世界各地不少城市對於保育古舊建築都做得好落力（香港好明顯都好落力，破壞），保育方法有好多種，其中一種就是將之改建成為餐廳。
是次出差有機會到位於三清洞的
Dugahun，這是一家將約於1910-1920年間朝鮮皇帝為其母建成的宮殿改成一家高級意大利餐廳，建築物盡量保持，食物水準極高，所以亦獲得米芝連點名推介。
好明顯是次一定係Business Dinner，之後擔心就係：意大利Fine Dinning會唔會食完唔飽得個靚字呢？不如未睇食乜之前，望望外面先：
據指此處有年長超過二百歲的銀杏樹，唔知係邊一棵呢？
晚餐每位盛惠115,000Won，未加一未計酒，有乜食呢？
此道為香煎大蝦配紅甜椒醬汁及野菜。蝦，鮮甜彈牙，紅甜椒醬汁配上少許橄欖油，與大蝦非常配合。
羊奶芝士青瓜沙律配無花果，唔單只靚，而係每款食材都新鮮，配搭適宜又好食。
牛肝菌芝士忌廉汁意大利麵，麵肯定係自己製，蛋香好濃質地有咬口，醬汁好味剛剛好不會過濃。喜歡這個安排：份量不多但食埋其他，真係肯定夠飽。
主菜選左Tenderloin，又再要讚擺盤真係一流！五成熟既牛柳無多無少，就算都幾厚烹煮時間都掌握得好好，牛柳高質，所以真係唔需要過多調味，已經非常好食。
最後仲有甜點Panna Cotta，就算怕肥，都不能錯過！奶凍加上鮮草莓汁，簡單而精彩。
套餐仲有水果及咖啡，呢一餐，好滿足，無論賣相質素都非常高，當然餐廳位於韓屋內亦非常具賣點啦！
沒有留言:
發佈留言