想食得多是需要行得多，同時又可以看看沿途風光。所以食完Pancakes，我的下一站都在附近，位於明治神宮前駅附近，有東京2020奧運紀念品pop up store。
東京2020奧運商品展原宿pop up store將會開至十一月廿八日，地點位於q's spot omohara 東京都澀谷區神宮前六丁目30番3號。舖頭細細但的確唔少選擇，連當時宣傳片果堆卡通人物大集合既商品都有。
舖頭入面仲有打卡影相位，不過要注意，我發現商品當中，有日本製，亦有中國製，所以睇清楚你想買既係邊國製造，當然，你覺得佢好靚，唔好諗啦買啦。
離開轉右繼續行，會發現另一家100Yen店叫ASOKO，東京好似得一間係原宿，呢間賣既野有趣好玩，雖然好現實好多都係中國製，不過靚播！
我就遇到佢地第二日準備做Pac Man期間限定商品，所以後來我再去，但好多俾人買晒喇。
食鬼系列產品實在好吸引而且件件平（例如豉油碟只係二百日元一隻），至於上面呢隻英國國旗碟，無記錯都係二三百日元，你由我啦，我不知幾愛，國。其實此店Tote bags都非常之唔錯的。
天氣唔錯，所以我慢慢行落涉谷Tower Records。近年到處飛真係無乜見過仲有成幢樓係唱片舖，所以到東京一定要行唱片舖。
當然有試聽一下，例如以下呢隻，好爽，不過唔想買兩隻歌既碟，後來自己係iTunes買左。
而我最後買左三隻碟，重點係：可以退稅，上去五樓就得：
老貓燒鬚：圖下果隻Sotte Bosse原來我已經買過二手碟，仲等我叫店員幫我搵得好辛苦；中森明菜呢隻無港版，把聲好左好多，好唔錯；廣末涼子唔係出碟，而係日本DJ將三十六首流行曲混音成七十幾分鐘既NON-STOP唱片，見咁得意就買左喇。
後來搭番Metro落新宿想亂入一家幾出名既串燒店鳥茂，失敗左。最後返回六本木，幫襯一家Ikinari Steak舖頭，係臨出發前睇完U Mag見森美介紹。玩法係咁，若果你唔係選套餐，你係可以揀唔同款既牛扒，揀重量，然後師傅切俾你再煮：
一場黎到，我當然揀國產牛啦，我明白唔係好高級既牛扒，但係270克國產牛真係整到岩岩好Medium Rare只係三千五日元，我仲有得坐唔駛立食，好好架喇！
對於食肉獸如我，呢間舖唔錯，而且氣氛一流，仲有圍裙提供，不過油煙味重左少少咁。
第二日，當然要去築地啦。
沒有留言:
發佈留言