一個麻甩去東京：第四天（上）（蛋包飯，根津美術館，便利店甜點）

故事講到第三日因為有雨而帶不夠衫，所以當晚享受黑毛牛回酒店立即食藥去訓。所以，第四天不算早起，但亦想到希望去哪。

不過行至地鐵站時，終於忍不住走入旁邊的Wendy's：香港人集體回憶之一，我就非常懷念佢地既墨西哥肉醬飯喇！

點左個六本木漢堡，一杯無糖紅茶，芝士肉醬薯條（牛油果醬係任添的）。咪理我啦，回憶這回事真係好重要。

搭車去銀座，出站位置係銀座既歌舞伎座，一幢應該有表演睇而且外型非常有霸氣既現代建築物，因此，被吸引著影左幾張相：

 

然後到旁邊的喫茶YOU，希望食佢地好出名既蛋包飯。十一點，已經排晒長龍，都係本地人。

結果排左一粒鐘入場，當然點蛋包飯啦！

蛋，好滑好滑好飽滿，蛋香就一般，牛油味濃，的確處理蛋既技巧同火喉好好，若果用既蛋再靚D就真係非常不得了喇。不過食呢個套餐我另加甜品，這是驚喜：檸檬Jelly：

 

自家製，Jelly入面有檸檬皮，清甜，配上既檸檬雪糕更加不得了，此甜品俾我既驚喜比蛋包飯更多。

食飽，出發往表參道，目的地係根津美術館。沿途名店林立，所以當到達美術館，感覺好不一樣。

這個展館分室內與室外，室內展品並不太吸引我（佛像或者是中國的文物），期間限定展區展示日本劍的藝術我又不大興趣，不過，我來的目的是室外，很幽雅逸靜的庭園。

 

庭園很大，而且當中有好幾間舊式日式木屋，若果另外買票可進去由專業茶道師示範並品茗，所以當日見到很多身穿和服的本地人，很尊重這個地方。

 

其實，單單在外面閒逛，已經非常寫意：

 

 

 

 

另外，若果預早購票加訂，係可以享用美術館既和果子。我好喜歡庭園，若果唔係當日侵侵到訪成天都係直昇機嘈到死，係非常完美。

離開，行經Lawson又剛好有朋友在面書報料，立即進去買左個Lawson與Godiva合作期間限定榛子朱古力批：

 

　

好好食，最重要係，抵！既然寫開，又介紹下我呢幾日食過七仔既甜品：

圖上果個唔駛介紹啦，圖下果個，超邪惡忌廉卷蛋，重點在忌廉：軟、輕、滑！係香港無乜幾可食到既質素，真係不得了！

先介紹圖右：呢個北海道唔知乜乜泡芙，輕甜，好唔錯；但點都不及杏仁豆腐！百五日元，可能同百貨公司名店賣既唔差太遠，我係可以日日食都唔厭奈何，我咁多日只係見過佢兩次（第二次仲要臨番香港係羽田七仔見到），極極極極極之推介！

好的，應該會用多一篇完成剩低既東京之旅，多謝大家。