離開博物館，其實是肚餓的，但我決定繼續漫步巴黎，反正天氣好，遊人尚不算太多，何不慢慢走走？況且，來了這個星期，因為巴黎起碼八點才天黑，都慣了遲吃。
那不如說說我發現法國時興什麼：法國人還在Candy Crush，法國人大人細路都興玩滑板車，而且真的用來代步的；還有，因為我用的One2Free約果選用逐日計的上網，是焗用橙的，我話你知，橙是爛的，全世界都一樣。
是咁的，這裡，是Place de la Concorde，而那一柱擎天，叫Obelisque：
這樣走下去，右邊就是羅浮宮了，但不是我的目的地。
在Tuileries地鐵站外的廣場，我遇上這一幕：
我真的放假嗎？哈哈！好，快到餐廳了！
Au Pied de Cochon，是同我叫我一定要去的，主打豬手，而這店是開廿四小時的，年終無休（咁我唔知佢會唔會八月放兩個星期暑假，法國餐廳興）。唔算便宜，但真係好好好好食播。
炸，會唔會好乾呢？唔會，真係唔知佢點煮，可以入面煮到化晒，鬆化充滿骨膠原，好正！
呢個荷蘭醬汁極之邪惡，好味，而肯定好肥，薯條好好食，handmade的，真係明白點解個同學話一定要食，但，幾膩架播。
甜品加咖啡，你懂的。之後，行過一間叫Echangeur PME的政府建築物，好似股票交易場，又入得去，望下先：
然後趁開放日，參觀一間歷史非常悠久，十七世紀建成的教堂Temple Protestant de l'Oratoire du Louvre，裡面使用的古典風琴，是從1930年用到至今的。由於上閣樓的樓梯是木製，而閣樓也是木製，所以有職員要限制人數上落。
係呀，我漫無目的行到邊睇到邊，都可以咁開心呀！之後，當然要到羅浮宮外廣場行一行啦！
當時已經覺得好靚，點知我星期日晚途經，嘩，醉了。
行過對面，Mairie du Ier Arrondissement，無記錯係市長辦公室，又入得去參觀播！
旁邊，就係St. Germain Church喇！
參觀了，祈禱了，開始刮起大風雨。之後仲去左邊？下篇再寫。
沒有留言:
發佈留言