港島去滾的選擇

實不相瞞，我認識的朋友跟同學都跟我一樣很愛滾，所以，當港島區的小肥羊與寧記都被租金逼走，又不能次次那麼富貴去吃三希樓，港島區的價錢合理質素可以的打邊爐選擇並不很多。

幸好，我們還有的確是屬平靚正的小肥牛！早前就跟幾個中小學同學去了開餐，相信，這裡會是我們在港島區去滾的首選了。

事先聲明，這裡不是任食，但有時不是任食你反而會叫得小心，看看我們吃的，真的很不錯。

這個是同學指名叫的椒鹽雞軟骨，極香口而且真係辣，佐酒極品。

呢味係我小肥牛必叫：生牛肉刺身，只係HK$48，而的確只用小許青芥加豉油調味，好好食，你叫我食晒成碟絕無問題。

麻辣與香茜皮蛋，湯底尚可，並不算十分出色。

這是活魚刺身，另一邊那個魚頭依然口擘擘，唔影喇！呢條係石唔知乜野魚，百幾蚊，好好食播，鮮甜到爆！

魚頭魚骨還可以椒鹽炮製呢！

手打丸與餃很精美，丸呢，首推青芥墨丸，而餃就一定要吃黑松露水餃！另外響鈴不能不點，即炸，夠多，而且平！

呢個叫清酒黑豚肉，係有一位同學點既，問左，係將清酒倒上去，浸一陣，再淥。其實酒味無晒，黑豚肉就幾好。

等得最耐既牛頸脊，值得等！

除左食得高興，記住，留肚，因為埋單後，佢地會每人送一個小甜品，牛奶布甸，係可以買走，但唔可以將免費送既囉走，好好食！

當然唔止食咁少，但埋單每人都係兩百七，非常滿足兼滿意！