一定再去的Divino

在灣仔港灣中心Brim 28那裡有很多餐廳，這次在同事介紹下找朋友去試Divino，全名其實比較長：Divino Patio Ristorante Bar Pizzeria，平日這個Lunch half buffet。

玩法是這樣的：HK$128可以享用頭盤沙律連湯的Buffet，還可另加主菜。Menu在此讓你們慢慢看，再讀我的介紹會較容易：

每檯放了自家製的麵包，還會給你添上橄欖油及醋，先吃這個才出動，因為麵包很讚，特別是這條麵包條。

這個很讚：首先Parma Ham與Salami等Cold Cut絕不欺場，前者真係食唔停，仲有超甜哈蜜瓜。沙律選擇多而且高質，另外Grilled Vegetable同樣豐富，為胃口小既朋友，連埋湯，真係夠飽。

是日餐湯：Cauliflower Soup，第一次飲，清清地。

咁，又無理由唔加碼食主菜！因為主菜，實在太精彩：

呢個野菌忌廉意大利麵，麵呀，自家製，一入口果種口感蛋香真係唔講得少；Sauce係好好好Creamy而濃，就咁，啖啖都充滿美味，好愛佢呢度既Pasta！

Pizza都絕不失禮！傳統家鄉意大利薄餅，最簡單茄醬芝士火腿加雅支竹，香脆不膩，停唔到口。

咖啡高級野，不過仲有驚喜：

自家製雪糕，味道無得揀，不過好食咁囉。

食呢間，有兩件事要提醒你地：第一，一定要訂位，唔係你會後悔；第二，問你飲乜水，記緊要話Tap Water，我地心軟俾佢放低支意大利水，盛惠HK$65，雖然，呢餐食得好開心，我地豪俾佢。

睇下遲下有冇機會係呢度見到我。