適逢佳節到來，大家都忙完玩樂，特別是一連四天的假期，我也不會有太多時間寫太多東西，那最好就是貼貼在泰國喪買了什麼。
是的，有好些泰國精的朋友見我時常大驚小怪地叫好平好抵好正之時也見怪不怪，畢竟我是第一次到曼谷，而且遊客不算多，還有那些百貨公司的大減價，假若我是真的Shopping精應該很大鑊的。
不如先看看這張回程時的照片：
走難似的。來的時候只有大行李箱與及米色的袋，結果又買了一個細行李箱，Delsey，廿八吋的，扣稅後約七百元港紙。
Consair手製皮涼鞋拖鞋， 這兩對講價後埋單都不用HK$250，而且還有一對我一星期後去叫他們幫我加多兩個孔，他們也肯。
這也是翟道翟買回來的帽子，鐵價不二每頂100泰銖，廿六七元港紙左右，都是日韓製作的，很喜歡。
充滿禪味泰式揹袋，上圖那種約HK$25一個，有拉鍊，這兩天也有用，很不錯；下圖那些貴少少，HK$40一個，精緻點吧！
Cusion套，全絲質，每Set有兩個，五套約HK$112港紙，勁抵！
唔等駛磁貼，細細粒汽水果隻由HK$2.5到HK$5一粒，下面日本食品約五十蚊港紙，近鏡？等收禮果位貼出黎。
買俾大小公主t-shirts，肯定係貴過大人，全部泰國設計，四十蚊一件左右。
呢串聖誕燈全部由玻璃樽仔製成，佢即場幫我綑上燈膽，約HK$90，佢用啪啪紙包好，運番黎都要極之小心，因為都幾重。
可口可樂擺設鐘，HK$113左右，安全抵港！
翟道翟買得差唔多，另外在蝴蝶袋Naraya買左唔少手信：
最近於旺角行過其分店，價錢？假若我係曼谷買一個要HK$75，香港同款就差唔多HK$140，咁囉。
意大利真皮皮鞋，唔駛HK$450，實在太高興喇！我唔俾自己再睇其他鞋喇！
Boots，又點會無買野丫！此品牌連鎖店於曼谷數目應該勁過屈人寺，而相關產品又真係幾好用，平過body shop之類多多聲。
最後就係呢兩隻俾公主們既熊仔，佢地好鍾意，依家放床邊添！
下次去曼谷應該會鎖定目標買野架喇，哈哈！
沒有留言:
發佈留言