反而，同樣大到無倫的翟道翟weekend market才是我的心頭好！兩星期都周末我也去了，而且收獲甚豐！
這裡是逢星期六日朝九晚六開市，有食有買基本上要好好腳骨力與耐性先能夠全部行過，更不要說購物後一袋二袋天氣又熱人又多又要小心財物之難度。很多朋友都是乘SkyTrain到Mo Chit再行過去，不過我跟旅遊書指示，乘MRT到Kamphaeng Phet站一出就見，離場就於二號出口行到翟道翟公園，再從該處Chatuchak Park站離開，天橋都唔駛行。
場內除左食，有衫賣（男女童裝帽牛仔褲底衫褲鞋襪乜都有），二手書（想搵寶物真係可以搵你好多個鐘），傢具（無錯，大大件，你夠狠可以買完立即去附近運輸公司報價送番香港，可能連運費之後你都有賺），藝術品包括擺設與畫（同上處理），燈飾（非常靚而且有懷舊類物品），小玩具，小擺設，香薰蠟燭，包裝物品，碗碟杯，園藝盆哉，無謂野通通都有。雖然已經盡量分區，但我建議你盡量行晒，否則隨時走寶。
講價就一定要，不過我建議就是：既然人地都好平，若果價錢乃自己接受到，而佢講完真係平左俾你，見好就收無謂浪費時間，因為真係大把野你買，買到你傻。
另外有一樣好想買，就係果類人工流水石擺設，香港郁下都千千聲，呢度有一檔，好得，都係四舊水港紙最大果隻，不過今次真係無乜可能買，屋企亦無地方擺，放棄。
衫買左少少，好多抵死過癮T-Shirts，另外又有泰國本土設計小朋友T-Shirts，兩位公主當然有份啦！仲有一樣就係蔡San好鍾意揹好禪果隻民族風肩袋，好平好平，我掃左幾個。Cushion套，又係平靚正，買左幾個，阿媽阿爸一定好高興！
總之，黎曼谷，無可能唔去呢度，因為真係你想買好多野番香港！
沒有留言:
發佈留言