2011年12月22日星期四

我的泰初行之熱門泰菜店

這兩星期我光顧了兩間旅遊書介紹的大熱泰菜店,雖然明顯是旅客較多,但質素不錯價錢亦可以,當然值得介紹一下。

首先介紹是位於Emporium附近,Suhkumvit Soi 24的Lemon Grass。這店特別多外國人光顧,由於當中介紹的生蝦太吸引,而且跟我酒店距離又近,於是找一晚去吃吃。



餐廳裝修較古色古香,用的都是原木傢俬,頗幽雅的。
這叫Lemongrass iced drink,香茅蜜糖水,很不錯的清甜。

這個魚露生蝦,我不是誇張的:當我將之連同薄荷葉等一同咬下,我那一刻腦海突然告訴自己:我真的身在泰國!好食到唔知講乜野好。
這是魚餅,是極之足料,而且你不會吃到腥味,但又不是香港那些魚蛋感覺的,不錯!
都是香葉炒,不過是牛肉,送飯真的一流,但幾辣的。

邊吃越來越多外國遊客出現,這頓飯連同那個你想要幾多俾幾多你的白飯,HK$191,不貴的,但我最欣賞都是生蝦。

另一店子是Je Ngor,我到了位於Suhkumvit 20的分店。話說跟著胡慧沖那本書,你會以為自己找不到:因為他說在那間日本餐廳之前,但我找到日本餐廳也不見該店。後來問便利店的,叫我一直行就會看見。
這是一間頗大的餐廳,而且我到來時聽到不少廣東話,即是,很多香港人懂這間。
唔知呢個係咪叫娥姐,但本菜牌入面除泰菜都唔少中菜。咁,我當然唔會點中菜啦,一條友我都食左以下三樣,好飽架呢!
青檸汁唔計,呵!


這個冬蔭功叫細喎,不過呢,入面有四五隻超大蝦,每隻蝦既蝦羔多到飛起,仲以為係咸蛋黃;湯,咪以為唔係橙色唔正宗,相反極好飲,相信椰汁份量不少,我記得我飲得七七八八之際應該飲症六碗左右,咁點叫細呢?

叫個炸蝦餅又係叫細喎,五舊,舊舊入面都爆滿蝦,係蝦唔係蝦膠,勁好食!


海鮮粉絲沙律好辣,但好好食:蝦你睇,幾大隻!魷魚又係彈牙,總之係果隻一邊叫辣你又停唔到手咁鍾意食!

由於有胡慧沖本書既九折Coupon,要俾現金,但咁食法埋單都係HK$140左右,呢間Je Ngor,極推介!

沒有留言:

發佈留言