2011年3月10日星期四

三月特別多飯食:花月亭

唔好問三月點解特別多飯食,明就明架喇。今日有兩餐,先介紹呢一餐真係唔可以唔向大家推介一大番,因為真係平靚正!

旺角帝京酒店二樓花月亭,很久之前食過一次自助餐,因為很久,印象不錯,但很模糊。是夜朋友請客,本來他打算到朗廷酒店,但後來他又表示好像食評不佳,於是我找到這間,知道最近是西班牙意大利主題,又肯定有生蠔,拍辦了!


首先晚市捕飛原價四百幾,不過分兩個時段又平好多,但極奇怪:六點至八點三四八元正,八點三至十一點三二八元正,我並不清楚開飯有冇優惠用唔用得,之不過聽完我介紹,三二八元正,超超超超值!

不如等我試試憑記憶一口氣講講有乜野食:

冷盤:瀨尿蝦,大蝦,雪場蟹腳,翡翠螺,青口,意大利生牛肉片,意式茄子,水牛芝士蕃茄,幾項蔬菜,好多款沙律菜,風乾牛肉,巴馬火腿,沙樂美腸,巴咸火腿,即開生蠔,數款即製壽司,三文魚吞拿魚八爪魚油甘魚刺身,冷麵,溫泉蛋,煙三文魚。

熱葷:燒牛肉,燒羊架,焗龍蝦,鴨肝多士,焗薯,燴牛肋骨,炒雜菌,忌廉燴海鮮,烤雞,西班牙燒豬,意大利燴飯,幾款咖喱,辣酒煮花螺,乜乜燴菜膽,臘味糯米飯,豬腳薑,即煮意大利粉。

湯:南瓜忌廉湯,一項中湯,意大利海鮮濃湯,鴨粥。

飲品(任飲):咖啡茶檸茶汽水薏米水

甜品:小葡撻,72%特濃朱古力心太軟,北海道牛乳燕窩布甸,麵包布甸,法式燉蛋,窩夫,薄餅,雪糕,豆腐花,糖水,好多款蛋糕,木糠布甸,香檳荔枝草莓jelly,斑蘭葉椰汁糕,馬豆糕。。。。。

點?我講講我食過乜喇播:

呢幾款風乾火腿牛肉非常好食高質,你知啦,十幾片都賣你五六十蚊一包,佢仲要高質播!溫泉蛋有大大粒三文魚籽,實在太Yummy!
生蠔要排,每次兩隻,即開,美國太平洋蠔,質素不俗。
 
意大利生牛肉薄片配上火箭菜及露筍,好好味!刺身首推油甘魚,超肥美,並非Hae質素,不過令我食完再食食完再食肯定係鴨肝多士,熱辣辣入口即溶滿口油香,啊!
燒牛肉係全晚唯一差少少,因為唔夠鬆化;羊架好好食,咁右下角既風乾火腿又係乜呢?
真係呢隻脾切出黎架!!!
 
絕不能錯過意大利海鮮濃湯!有魚肉有小龍蝦有蜆有魷魚,仲有塊法包,呢個湯,酒店飲閒閒地過百以上,呢度,任飲。
無估過飲品任飲,通常只係Coffee & Tea,點知有薏米水,清清地,幾好。
甜品呀!開心到傻呀,多款又好食,以上大部份都極高水準,飽到無位試其他甜品喇!

你地話係咪?呢個價錢咁多好野食又要好食,仲想點?唔知呢個主題做到幾時,想試就快喇喂! 

沒有留言:

發佈留言