遇見了你

情景題：假若你在街上好像遇見一個認識的朋友，你跟他又不是十分熟，不過你又想知道是不是他。好，望多一次，確定是了，你會怎樣做呢？

當然答之前要想想：你希望對方知道你見到他，還是不想？還有，對方那時正在做什麼，跟誰在一起，你又認為方不方便走上前跟對方打招呼呢？

我發現自從有了What's app之類的東東之後，有人在街上看見我，而又不是太熟的，會選擇這樣讓我知道：

（注意：以下見到我的，跟朋友在一起的，都是公眾場所行緊街食緊野）

１。在面書突然於我的Wall上貼出「咦你今日條褲好Sharp播」之類等說話。

－這是我較不喜歡的，你見到我，你唔向我打招呼，口口聲聲怕打攪我，但你係我面書爆我係邊頭出現，又係唔係打攪我呢？你咁想我知你見到我，大可以用面書Message我，下話？

２。應該係見到我之後離開現場然後突然Sent個what's app俾我話我知：我頭先見到你

－嗯，你或者真係怕打攪我，所以才這樣做。不過那次我都有叫那朋友下次跟我打招呼，因為，很熟嘛，為何不打招呼？

３。同樣是見到我之後離開，但在仍可以讓我看到他之時傳來一個What's app：你望向你兩點鐘方向！

－這個不錯，有面對面打招呼，若果方便想談的話就會上前傾餐飽。

４。明明坐你附近，唔開口打招呼，反而傳短訊問：你係咪係時代廣場呀？

－嗯，除非你真係咁唔肯定係我啦，點解仲要傳個短訊問我係唔係於時代廣場呢？咁你呢？你知唔知你係邊？

５。同上，但在我離開之後才傳短訊問同一問題。

－喇喇喇，下次，真係打招呼得架喇。我照道理就唔會大庭廣眾做一ｄ唔想人見既事，所以，打招呼得架喇。

其實我對於以上情況亦有自我反省，我通常決定是：若果那人我真的想跟他打招呼，我會過去打個招呼，然後觀察對方那一刻的面色與反應，若果有異，立即識趣閃人。若果那人只是萍水相逢的，見到了，又不知好不好打招呼，就算了，下次見面提提都夠。

不過有沒有發現，若果遇見的是一個人，而不是兩個人，你們考慮如何做會少了？嗯，或者，大家都將心比己，怕那一刻打個招呼，會讓人周身唔自在，焦慮不已。

所以話呢，人生每件事情，都是值得細想學習改進的。