舞出爛桃花

這是一件真人真事。同時，我亦得到當事人同意將之寫出來，當然，當中部份會稍為改寫，而為何我想寫這件事呢？因為，雖然對當事人的確是一件幾咁恐怖既經歷，但聽出來實在係幾爆笑。

話說當事人Ａ乃一名廿來歲樣貌娟好身材高佻的少女，閒時有到健身室做運動，並參加跳舞班。她一向都站在最後一排跳，而附近有一名五十來歲禿頭的阿叔Ｂ，那麼久不久總有機會說一兩句話。

早前一大班跳舞同學開聖誕派對，Ａ做司儀，跟Ｂ沒有什麼互動，除了一個環節需要拿咪給Ｂ唱歌。

派對後第一堂，上課後梳洗後，Ａ準備離開之際，發現Ｂ戴上假髮拿著結他站在健身中心門口。他一見Ａ，就說：「Cinderella，等我唱首歌俾你聽」然後隨即唱出「曳搖共對輕舟飄，互傳誓約慶春曉」許冠傑名曲雙星情歌（留意，Ａ的英文名跟Cinderella完全無關係）。Ａ嚇得只有後退，剛好教跳舞的印籍教練在場，她躲在教練後面捉實他的小腿，而教練一邊偷笑一邊把玩鼻環，後來才大叫Ｂ離開。

我聽到這裡，第一個反應係：咁似無線Ｄ劇既？

Ａ回家後，向母親講述這件恐怖事。母親很冷靜，沒有任何反應，徐徐步入廚房繼續準備晚餐，一邊煮一邊唱「曳搖共對輕舟飄」Ａ大叫「你係咪玩野呀？！」

第二堂，Ａ不再留在最後一排上課，走到第一排。上課之後，梳洗期間，同班的一名阿太向她說：「佢仲係門口等你呀」Ａ決定講清楚。

Ａ一見到Ｂ，立即向他說：「我唔知我做左乜野令你誤會，如果有我講句唔好意思，我有男朋友架喇」Ｂ回應：「你俾少少時間我講少少野丫」「我唔得閒呀」「你俾一個鐘頭我丫」

一個鐘頭叫少少時間，嗯。

這時候，阿太同學出手相救：「阿Ａ，你唔係約左我行街架咩？走啦！」但Ｂ仍然跟著兩人。後來Ａ想到走入街市，然後從其中一道側門跑離，衝上的士離開。

Ａ表示沒有再上課，但她仍然很怕：因為某次搭巴士，是阿Ｂ駕車的，阿Ｂ知道她在哪個站下車回家。

我叫她不要再去那間健身中心，人多又雜，惹來此等恐怖爛桃花，又有乜為呢？