2011年9月22日星期四

發現太遲的Thai Pad

我家附近有間叫ThaiPad的泰菜館,位置近般含道,裝修似招呼外國客,即等於唔慌平。早前見其有泰式火鍋,好想試,但又沒有人跟我去試。

於是這個月初,某晚朋友來訪,想吃泰菜,想坐得舒服點,於是到了這間ThaiPad。賽後結論,喜出望外。


以下除飲品外,皆為兩人餐,慢慢睇睇:-
冬陰功每人一碗,水準很不錯,夠酸夠辣,料又足,非常開胃。
炸魚餅,夠大份,而且香口唔油膩,驚喜。
肉碎生菜包,勁得!肉碎炒得微酸帶辣,有香葉味,加埋生菜包住食,好開心啊!
呢個泰式肉碎少飯又係好食!不過略嫌淡少少,唔緊要播!點解?
呢個青咖喱軟殼蟹乃全晚最驚喜菜式!咖喱香,撈飯一流,軟殼蟹外香脆內Juicy,高水準作品!
甜品送既,你睇,唔差架!
飲品無乜好介紹,要講既就係咁鬼大杯,抵晒啦!

以上咁多樣連兩杯飲品,三百七十蚊,我覺得好滿意,有機會會再試其他食品!

沒有留言:

發佈留言