串燒出色一杯屋

話說日式串燒，食材新鮮之外，最重要是燒得剛好，若果是炭燒的就更加不得了。另外，個人喜歡鹽燒，若果調味調得好，不用另外再加鹽，一放入口就不得了。熱氣？食串燒就梗架啦！

早陣子光顧澳門逸園大廈的一杯屋，以仙台牛舌作主打。想當年到仙台曾經在松島海岸品嚐當地燒牛舌，好食香口至今難忘，就算買回港的，一樣好好食。所以，牛舌絕對是我十分喜歡的食物。

由於實在當初唔記得寫，依家記憶有少許模糊，不過好食既我又唔會唔記得。

呢個酸汁牛舌，好得！汁調得好，非常開胃，牛舌煮得剛剛好！

腎，好食，牛舌更好食，係燒得乾左少少，不過好Yummy。

以上咁多隻蛋我食左一隻咁大把，大戶肯定唔係我啦。

繼續牛舌，唔好問我乜野燒，我只記得加少少檸檬汁，放入口果陣，嘩，無野講。

芝士免治雞棒，呢個就麻麻地喇。

燒明太子，咸香滿溢。

燒蠔！雖然不及當年日本食咁驚喜，但當你想起呢度係香港，又唔係貴，你就會覺得，鮮甜無比。

同上，我想起細細個老豆帶我去大丸一定買呢個俾我食，當年都幾貴，但好滋味！

兩款燒鱔，白鱔真係名不虛傳，汁燒都好唔錯。

牛舌斧飯，鮮甜無比，而且飽肚播！

就係咁，飲下清酒食下野，開開心心又一晚，你睇！星期五又黎喇！