電視精恩物

可能有些朋友看開這裡都知道，我家有有線又有Now，而我家的高清盒是Now附送的，只能錄下高清台的節目。至於那麼多台想看的節目又不少，有時不記得看，有時撞時間，可以錄下就太好了：特別是我現時真的不會看無線的劇集（最近那套花瓜姐，不幸看了少少，真係嚇到飯都嘔埋），晚上在家想看電視，最好就是儲下一堆節目慢慢睇。

直至上星期日到好友家中打牌，發現他買了新玩貝－－一個可以錄有線及Now的高清機頂盒。價錢差不多四千元，不過實在太吸引，於是，我最近都買了。

首先介紹這部MagicTV MTV7000D的機頂盒我在哪裡買：豐澤，原因是他們剛好有Citibank的Promotion，可以免息分期十二個月，另外送我百五元屈銀紙現金劵，雖然我抽不中全單免找數，但都已經夠著數。

下面果部呀！首先，佢有雙Tuners，可以同時間錄高清台及有線／Now，另外，Input有五個，其中兩個係HDMI，即就算你駁上有線／Now，你還可以駁上PS3之類等東東。

另外，只要將這機頂盒接駁上網（可以用Lan線或者wifi，隨機附送Wifi Adapter），呢部機可以睇即時新聞天氣，Keep住更新各電視台節目表，唔止，仲有更好既功能。

萬一你忘記Set機錄某節目，或者突然想錄某節目，你可以上網去MagicTV網站，只要你之前在家將該機登記，就可以用網站遙控錄影，啊！多高興！

錄影極之方便，內置500Gb硬碟，另外可以再駁Portable HD，此機之節目表非常方便，揀岩節目按一按就可以，而且可以就每個預錄去Set延遲開始或結束，例如呢排常追既皆大歡喜，時常遲開遲結束，預錄硬係差少少，咁，依家就唔會有呢個問題喇！

更加要讚就係自從有此機頂盒之後，一個控制器就可以睇咁多個台，唔駛又要轉呢個轉果個，同時可以即時Check晒各大台做緊乜，呢樣自然令我原本怕煩要轉remote與及TV Input而少睇有線既習慣改左。講開Remote，佢仲有個iPhone App，可以當Remote用，走左入房都可以控制電視，岩晒懶人如我。

根據其網頁介紹，六月將有Upgrade，可以用iPhone睇電視與及自己錄低既節目，若果係咁勁，以後就唔驚出街睇唔到波喇！

此機功能應該不止於此，只不過，以上各種已經令我呢個電視精極之開心！我盡量將預錄較在我唔會睇電視既時間，因為一錄就不能轉台，另外係不能夠同時間錄有線與Now。

四千蚊貴唔貴？貴架，不過，值！