會展食晏

有時跟同事出外吃飯，近百元並非難事，最慘就是有人建議試試某餐廳結果貴夾難吃，百幾蚊真係唔多順氣。之不過，有時你以為肯定好貴的食肆，原來又不是。

題目為《會展食晏》，會展，的確是灣仔會議展覽中心，而我介紹我午市選擇，百多元落樓，而且靚景坐得舒服兼且好食。

位於會展四樓的會景餐廳，晚市自助餐當然不會便宜，但其實午市並不貴。當中有兩個選擇：自助沙律吧加湯，或者自助粉麵吧，都是百一元左右。

自助粉麵吧我沒有試，因為我相信很容易飽，不抵！我通常都是自助沙律吧加湯，加三十八元有個主菜，而且有咖啡茶。

會景餐廳的確好View：極多窗口位望灣仔碼頭海景，桌子之間空間夠闊，商務午餐亦極之適合。

沙律吧食材可以的，而且有廚師替食客撈好，不如看看：

 

不過其實我首推的並不是沙律，而是會景餐廳每日午市均有兩款湯，西湯一貫水準，中湯極正，老火靚湯，每次均飲兩三碗才夠！

主菜方面有四五款選擇，有次朋友吃過印度烤銀雪魚，非常好吃，而我這個是牛仔肉闊條麵：

也很不錯的，賣相當然可以啦！

啡茶可以選英式茶包甚至趴趴千奴都得，最重要是，我沒有記錯的話，匯豐金咭埋單好似有折的，請自行查清楚。

由於此餐廳每每在有國際展覽時成為飯堂，敬請記得訂位；而且，位置有點難找，記緊問人，唔好自己四圍搵。