他媽的麥麥送

昨晚，心血來潮，很想吃老麥，又不想落街，電視出現麥麥送的廣告，好，上網看看餐單，知道最低消費六十，諗掂，然後致電23382338，成功落單。

那位職員表示到時會送我一張蘋果批券，下次可以使用。他們沒有表示何時送到，而根據網頁所指，半小時送到，而遲過半小時會送一張蘋果批劵。那時，是晚上九時半。

看電視時間很易過，但易過還易過，肚餓，身體是有警號的。

一小時過了，仍未到達，於是，我再致電23382338，職員表示會向該店了解，再致電我。

再過了十五分鐘，無人回電。

一來肚餓二來開始火起，我再致電23382338。這次開宗明義，我要投訴。

『先生我依家將你轉駁去客戶服務主任，可能要一分鐘，麻煩你等等。』

不消一分鐘，有一男聲聽電話，沒有報上名稱，我告知我等了快到個半鐘，是不是一開口話送蘋果批劵就奉旨遲到？都無理由個半鐘都未到卦！

那男聲表示會向店舖了解，我說：「頭先個女仔都係咁講喇！」他說：「之後一定會有人回覆。」

十一時二十一分，有一應該從送貨給我的店的員工打來，除了表示不好意思因為今晚單較多之外，說大約十五分鐘後會送到。我叫他叫剛才那客戶服務部男士再致電給我，我要投訴。

那男的隨後致電，又是那些表示歉意沒有其他表示，我話：「你地單多，送唔切，可唔可以落單果陣講可能要幾耐，等我決定要唔要呢？」

他的回應簡直令我語塞。「先生我會mark低你呢個要求，以後你落Order我地會同你講架喇。」

即係，你唔投訴，佢唔會改善箇有制度問題。

再等再等，十一時五十分。

正當我準備致電取消訂單之後再投訴爆之時，有人按門鈴。

送貨來的木無表情，我明白，他都是搵飯食，問題不在他身上；但我實在太慶，所以一手交錢一手交貨，一毫子貼士都無俾。

打開食物之時，除了發現不夠熱，與及唔知點解個盒濕濕地之外，那張一開波應承給我的蘋果批劵，沒有出現。

係，我好很肚餓，但更扯火。於是我又致電那號碼，又轉駁我去客戶服務部，又是那男士，叫David。

我表示我要正式向你們公司投訴並要求合理解釋，否則我搵傳媒投訴。他表示會將此個案轉告公司。

『至於果張蘋果批劵，你下次落Order果陣我地。。。』

『唔駛喇，無下次，我唔會再叫你地外賣』我都費事俾佢講埋落去。

即管睇睇下星期有乜回覆，若果星期三之前都無人搵我，我會主動打上去。

麥麥送，勿勿信，餓死都未有得食。

早知咪懶，落街買好過。