我們的五日四夜，頭兩天天氣是不錯的，第一天還是陽光普照，所以可以按原計劃到外邊走走。我們乘的士直達第一站：登山街60巷的記憶——哈馬星溜滑梯。
要注意的是：溜滑梯置身於民居當中，而且有少許斜坡，但是，我告訴你，只要100元台幣就可以滑一次，是很高興的，而且小朋友一定喜歡。
開放時間是星期一至日八點半到五點半，到達後，付款，大人就拿一膠滑墊，小朋友則是一個膠盤，然後慢慢行上起點，兩分鐘就到。咁睇睇官方影片點滑落黎先：
大家唔駛擔心，小朋友唔會滑得快，慢慢滑落黎睇住風景係好好feel既；至於我，滑落黎都幾快幾好玩既，我既團友們都非常喜歡。
然後跟住地圖慢慢行落山，約十五分鐘平路到達哈馬星鐵道文化園區，有舊火車，有舊打狗驛故事館，有好大個草地與及棄置路軌，仲有好大好大件藝術展品，大人細路都自然不停影相，喜歡的話可以買風箏放，睇住日落，好不得了。
再行出棧貳庫，有碼頭可以搭船去旗津島，就算果邊行下亦非常舒服，雖然去年十二月出現既白色旋轉木馬已經無左，但好值得去，旁邊既小商店同食肆係俾唔想太曬既朋友入去休息既冷氣好地方。
之後，我帶團友坐上輕軌，呢個係舒舒服服紅沿海睇風景既好方法，要注意係，用悠遊卡比起現金買票平唔少既，唔緊要啦，都唔貴既！從哈馬星總站坐到去夢時代購物中心，全程你會明白我無介紹錯。
到達夢時代，乃一個有好多野睇好多野食既大商場。而且，頂樓仲有一個荔園alike既遊樂場，除左有摩天輪仲有好多好懷舊既玩意，小朋友肯定未見過。
好明顯呢兩張係去年十二月既相啦！至於我既團友，佢地去到我介紹原來有Lego工作坊，兩位女孩子當然好開心啦！參加完畢，商場另外又有Line期間限定展，無購物都可以喪影相。晚餐原本想食一間居酒屋，典知餐廳烤爐壞左，最後到地庫food court，一樣食得好開心。
小弟的晚餐，唔駛一舊水港紙，巧巧味。
離開夢時代其實可以選擇坐的士，因為行番捷運站凱旋站都有少少距離，但由於天氣好好，大家都想行一行，所以我地行去搭捷運番酒店。
見到台灣啤酒popup store我又典可以錯過呢？於是殺入去買左杯期間限定芒果啤酒冰沙，好好味！天氣好唔錯，當晚月亮亦非常光。
第一天行程結束喇。
沒有留言:
發佈留言