這兩個月，講「黑警死全家」越來越多，又或者應該說，香港人對警察的信任已經所剩無幾。我都費事回應那類：「你唔信警察又報警」之類的智障邏輯，除了因為我有交稅之外，香港警察的職責就是執法者，這是因為我相信法律的基本原因。至於香港人對警察有什麼要求呢？
因為警察是執法者，因為警察有槍，所以對於警察有更嚴格的規管，包括他們的行為與執行任務的表現。香港人嘛，其實要求不高，麻煩執法人員盡量公正秉公辦理就可以。公正這回事，香港人又明的：你對親建制示威無管得咁嚴，但至少都阻止拉下人檢控一下大家條氣都會順少少。只是，這些年來，香港警察有什麼傑出的表現呢？
委任證唔展示問都唔俾你睇，我話我係警察就係警察。委任證用黎借錢叫雞唔俾錢又或者向老細個老細開拖，其餘時間一個普通市民點問都唔會俾，除非有記者影住。
所以，警察一哥話對傳媒最好，前線果班表示對傳媒最好小心Ｄ。由開始阻止你採訪到最近擺明知你係記者兜口兜面射催淚彈，係，兜口兜面，無需警告，亦唔需要理你做緊乜。
因為從最初聚集驅散前警告出紅旗黑旗到依家已經唔駛講規矩鍾意隨時出催淚彈布袋彈警棍（仲要私下改裝）棍棍有力打落去，就算你雙手放頭頂，就算你被制服，繼續打。
或者因為咁，示威者覺得你越來越離譜，都唔駛尊重你，我又無野可以輸，次次都同你開拖，等警察超級專業既表現屢創新高，在世界各地的傳媒下發揚光大。
（雖然我真係唔希望後生仔抱住玉石俱焚心態去對呢個仆街政府，唔值，真係唔值）
好好好，今時今日從反送中覺醒的香港人大都明白各有各做互相撐落去，這個情況與佔中時期有絕對轉變，不會輕易指責割蓆（至少我係咁）。今時今日，大家勇於在其可以發聲的方法發聲支持，香港人明白，無助也好，最重要團結行下去。
柒婆最成功政績，香港人真係Connected。
至於仲有一班有良知只係「我討厭政治」的，多得沙田新城市多得元朗721，見識原來交稅養班警察可以咁：報警不受理，警署落閘，收到情報唔做野，遲三十九幾分鐘黎到俾人質問幾句收隊，再同班白衫鄉黑打晒招呼拍晒膊頭（差在未有大合照打卡Yeah）再企出黎對住記者話：「我地睇唔見有攻擊性武器」
嘩連我阿媽睇完段片都話：「有無攪錯呀果ｄ鐵通咩黎架？」
「我討厭政治」開始知道，若果有一日，咁唔好彩食完飯放工遇到呢類無差別攻擊，報警無用架，警察話佢有槍都可能會被打，咁佢地都係人梗係閃先啦。於是，慢慢地有一批人，由淺藍變色，就算唔會大罵黑警，都會好似如夢初醒講左句：「乜依家ｄ警察咁。」
唔好笑佢地，佢地naive左好耐，依家知都好過唔知。
到今時今日仲撐警，真係唔係好配做人，因為人既基本智商佢應該無左。咁，同類可以溝通到，我就唔得喇。
唔好再同我講焦點被模糊，我地仲好記得要求乜野：
- 徹底撤回逃犯修定條例
- 釋放所有因反送中被捕人士被承諾永不追究
- 撤回612暴動定性
- 追究警察濫權濫暴，成立獨立調查委員會
- 立即實行雙普選
依家只係警察在接近無政府狀態越來越放肆視法紀於無物，「反暴力撐執法」？執法者有法不依，點撐呀？
最後都係果句：真係唔好怪人點解叫你黑警。
沒有留言:
發佈留言