陣容鼎盛的日熹樓

我有一班認識了廿年的朋友，就算近年好些已經有兒有女，我們也會定時定候出來飯聚或者打番幾圈，而冬至前我們通常都會見的，大家都會提議去未一起去過的餐廳。

去年我們原本提出了好幾家火鍋／川菜館，當好幾個選擇大家還未決定之際，有人提出曾經到過日熹樓吃百碟宴。基本上照片一出集體同意去馬，於是，一行十二人，來了灣仔這家餐廳。

我們當時吃的是冬至版，不是平日的一百碟而是八十碟加一道主菜，價錢也貴一點點（不過星期一至四一樣有折的）。八十道菜是有重覆的，每款兩碟，分上下半場上檯，場面是非常好呃Like的：

放多條片先：

中間的主菜是黑松露海星斑片，至於上半前有的包括這些與這些：

侍應是會慢慢放好所有讓大家拍個夠才開始吃，這種大堆頭的吃法，好處當然是大家可以吃到不同的食材，而且每碟的量不多，味道亦屬中上，川辣亦不會讓人失望，基本上每一碟都很不錯。於是，你想吃這個而不想吃那個，大家就各自選想吃的，由冷菜到熱葷，素菜或豬牛羊雞魚都有，豐富亦很好意頭。

 

 

其實上半場後都幾飽，所以當出現下半場的陣容，大家的戰鬥力已經完全下降，因為你睇睇下半場出場的是：

 

無錯，下半場是北方包點炸物與甜品，的確唔係人咁品。問題來了：因為要一次過上檯，所以有好些包點不夠熱，錯過了最好吃的狀態。

我地無浪費，食唔晒咪打包囉！據知平日百碟宴（無主菜）比較便宜，若果一班朋友有一半鍾意食辣，此百碟宴的確係好唔錯既選擇。

現時餐廳搬左去銅鑼灣V Point，名字亦改左叫「日喜樓」，想試既朋友要注意一下喇。