賣雞的小店：雞功房

有些小店細細間但做出口碑，佢地無貪心擴張，繼續做好本份，所以，排隊吃是必須的。早前讀過介紹中上環有間賣雞賣到好多人去的雞功房，幾個月前就同幾位台北之旅餓底同學去食左個晏。

我地食得滿心喜歡，而且對於其私房套餐深感興趣，嗯，寫完呢篇應該約一約去食先。

位於上環金龍中心附近，同層另一餐廳就比較吉，而佢就排晒長龍。我叫同學先去囉位，我十二點半殺到，門外已經好多人。不如睇睇午市點玩法先：

其實，樣樣都想食，掙扎左好耐蟹定雞。不過第一次黎到，點都係食番海南雞飯配客家黃酒雞湯先。小食都好多樣想食，可惜無牛肉餅呀！！！！！

海南雞飯，雞真係幾有水準，而且有鮮雞味，飯香，可以濃味多少少都得，不過整體真係好唔錯。此份量其實夠飽（我講OL啦下）。

客家黃酒雞湯，得呀！冬天飲完肯定好暖，我諗單叫十五蚊碗都非常之合理！

自家製布甸高水準架播，清甜，真係唔係送俾你就是是但但。

無牛肉餅，我地首先食左呢個花鵰醉蛋，十五蚊隻黎講花鵰味就唔夠濃喇。

呢個泰式蝦餅好得，本身蝦膠落足料去打，彈牙又香口而且有咬口，所以四十蚊兩件係要既！

雞湯腐竹，寫到明用樹記腐竹，我非常喜愛，最簡單而好食。

每個月好似都有兩款玩法：一款就小菜晚飯夜，一款就你搵齊人去食私房菜。價錢唔算貴呀，你睇下有乜食先啦！所以，真係好想拉大隊去食一次囉！