愛辣愛小辣椒

是不是相逢恨晚不緊要，自從好友搬到那邊我去年第一次吃過北角的小辣椒，然後跟同樣愛吃辣愛吃牛愛曼聯的表妹夫再去多次，好肯定此店的確頗不錯：價錢可以辣的水準亦合格有餘，當然有其他不錯的店，但這家我還是想搵番次叫幾個朋友去食。

無乜裝修，開左好耐，侍應服務尚可，但好食就夠啦係咪先？

第一次一個人食都叫得幾貪心，首先呢個：痛風與膽固醇剋星，辣子肥腸：

份量足，味道掂，非常好送飯，而且入味腸又夠肥，所以，我喜歡。

酸辣土豆絲，算係幾辣，味道調得好，好怕果Ｄ唔酸唔辣唔知點，而且唔算油膩，所以第二次黎都有再叫。

一個人咁梗係點個酸辣粉啦，可以再辣，不過都好惹味過癮。

咁第二次，多個人，就叫多少少喇：

愛牛肉既我地當然選水煮牛肉啦！份量足，牛肉嫩，記得湯汁幾好味（因為飲左少少），唔錯唔錯！

此皮蛋豆腐就代表此店真係唔會同你整靚碟菜，但係好食架播，雖然賣相唔靚，呢道菜最驚就係出晒水，咁呢個係無既！

酸辣湯，真係堅抵！Portion好大，料足，不過味道可以重手少少咁。

咸肉炒年糕，梗係啦不能碟碟都辣架嘛，小菜真係有水準既！

寫完，真係要諗諗搵次叫班朋友去食，因為餐牌（同埋牆上）有好多野都想食囉！