滾番屋企的選擇

當天氣開始凍，但出外打邊爐選擇越來越少，其實有冇諗過，以前都係屋企打邊爐架啦！不過，買呢樣買果樣，又煩又貴，有冇更好既選擇呢？

話說前兩日去南記食晏，墊盤紙正推介新產品火鍋包。睇過，實在覺得應該一試，點解？

有食開南記都知價錢如何，所以，磅半肥牛，十八條春卷，魚片十片，牛丸十粒，貢丸六粒，魚餃十粒，墨丸八粒，菜肉雲吞十二粒，西生菜一袋還有豬骨湯底，HK$249。跟爸爸及弟弟談起，覺得就算不打邊爐（因為兩名小公主的關係），來個一品窩也相當划算－－只要你知道南記的價錢如何。

好了，今晚放工到南記問問，原來即付款即包裝給你，即是說，所有都是他們正在賣的食材，好啊！因為食開知道質素如何！我較好彩，他們包裝好一份而那人打過電話來未到，他們就給了我，只是兩大袋。是如何呢？

十八條春卷包開，西生菜好大包，不過最誇係果磅半肥牛：

老豆話，呢幾Pack係巴西肥牛，但出去買都要成舊水！

其餘食材用兩個外賣盒裝住，再放上紙托；另外仲有兩個外賣盒，裝乜？

無錯，兩大碗湯底。仲有俾左好多包南記出名辣醬。

今晚一家食得實在好開心，料靚，而且真係超抵，若果幾個人買番屋企再加料打邊爐，你話係咪好歡樂先！

要買趁手，因為，我相信好快會加價！