近年在不同節目或者網上演出都聽過馮允謙的Live，真心覺得唱得又作得，而衛蘭呢？上一次Serrini演唱會親身感受她唱的It's ok to be sad有多動人，所以知道兩人開演唱會，立即問同學要不要一起去，又好好彩我買到飛。
演唱會前的期待是兩個都不太懂中文而且唱英文可能好過中文的歌手會有精彩的crossover，當然希望他們多唱r&b與及jazz，結果這個晚上，願望大都成真，兩人真的以歌以好音樂會友（當然有些歌沒唱有點可惜），我的同學也大讚這次跟我來是非常正確的決定。
透過Asia Mile買的票通常位置都不差，所以這次買了HK$580只是在HK$780後幾行而且對著台中央。演唱會開始是先以電影完場roller形式介紹主辨單位樂隊製作，當我看到band leader是蘇道哲，我想今晚應該會有幾多jazz音樂出現。兩位主角坐在台中央較高位置的小客廳背著觀眾一起看小電視播的東東，才慢慢轉身在幾位dancers陪伴下唱出運動詩歌。
衛蘭唱畢就到Jay唱
Full Moon Party！正如他演唱會尾段所說自己跳舞真的一般，所以他就好好去唱，反而Janice在後面隨著節奏扭動還很配合。之後剩下Jay唱了另一首快歌
Let's keep this tonight，現場氣氛很好！
為表誠意練了一段Michael Jackson的舞再接著唱
因愛之罪名是有趣的，雖然轉接並不很順暢，不過呀，他唱這歌的超水準，什麼都不緊要了。而其實因為他唱得很好，要不然是完全會被衛蘭比下去，更不要說什麼合唱與和聲。衛蘭這晚的演出，完場我跟同學說：以後一定要睇佢演唱會！
Janice再次出場，一聽前奏我就滿心歡喜了！是jazz的I don't know, I don't care再接上另一首好歌低半度！真的真的真的，唱得太好了！然後她與Jay合唱一格格，兩人是有火花的，而且和聲合唱都很精彩！
Jay走到舞台後方較高的支架坐著唱
地球來的人再加舊作
我好想你，他唱Janice的
天敵真正不得了！然後Jay以結他伴奏到Janice唱他的
愛斯基摩人之吻，感覺完全不一樣。
Janice一口氣唱三首自己的歌：
穿花蝴蝶、
驗傷與及
她整晚在寫信。我寧願她不唱最後那首改唱
失戀的意義，因為那首其實幾悶下。後來Jay唱新歌
一步一悔過與及
思念即地獄，現場聽完，更加喜歡！
肯定有英文台時間架啦！兩人合作唱了
2004（即黎明兩個人的煙花英文版），
How Many Times（Jay作俾張天賦
反對無效原裝英文demo），還有合唱Daniel Caesar的
Best Part，又Chill又好feel，佢地成晚唱英文歌肯定都正到不得了。
這次間場時間選擇播出兩人童年時代的唱歌片段，都是他們跟自己的兄弟或妹妹合唱，可愛之餘亦解釋了兩人從小就很愛音樂。再次出場，衛蘭結他伴奏Jay唱
講多無謂--應該是全晚我最R頭選曲之一，我想應該是Jay很喜歡吧！其實這歌真的很一般。然後Jay唱了新編曲的
心亂如麻再加英文版
Utterly Confused，佢後來話呢首係佢讀大學果陣成日聽（佢仲話聽Janice既歌大，嗯，兩個人年紀差七年）Janice亦唱左Jay既
尋找白金漢，She's so cute話自己唔記得歌詞叫大家幫佢！後來當然要唱
It's OK to be sad啦！
佢地成晚真係唱唱唱到最後先講野（所以個演唱會真係堅正，再加上樂隊和唱都非常高水準），除左有Jay話自己聽Janice歌大好好笑之外，Jay仲問Janice：你可唔可以用face detection開到你妹妹個電話？Janice笑住話梗係唔得啦，然後Jay就話：「我開到我細佬部電話架！」係呀，佢兩個都係孖生架！
估唔到真係最後兩首歌：合唱第一次合作既
家門，與及Whenever You Call (Mariah Carey & Brian McKnight)，後者，真係好強好強，Janice完全不費氣力已經可以唱到Mariah Carey果隻強，diva級水準，所以一邊睇一邊同同學講：馮允謙無番咁上下就比下去了！
係囉！真係無Encore！我仲等唔到
山旮旯等唔到
遠在眼前等唔到
離家出走同
失戀的意義，但個音樂會好好睇好精彩！Jay若果以後要開個人演唱會真係要學下點樣控制氣氛，雖然佢傻更更大家都好鍾意。至於Janice，一定唔會再錯過佢演唱會。
沒有留言:
發佈留言