在蘇豪食Meats

久不久跟朋友飯聚，有時就由朋友決定到哪吃，今次朋友隨意找了一家在灣仔的韓燒，我真的沒所謂的。中午時再查一下哪店的位置，怎知一輸入立即彈出ｘｘ富臨，我就告知朋友咁咁咁，然後她堅持立即找另一家。

於是，她問老公之後就訂了中環蘇豪的Meats，有Restaurant Week Summer 2021的套餐，於是便第一次光顧這家餐廳。 

 

好耐無得飛，的確蘇豪橫街這類餐廳可以讓你暫時覺得自己飛左。套餐的確好豐富，有幾道Starters同Second Course分享，然後每人選一道主菜，仲有甜品咁：

Starters有三款，無論味道與賣相都非常有水準：

Grilled Ceasar Salad，其實都係Gimmick野：將羅馬生菜輕輕炭烤，上檯仲有左上果班小菜刀，味道係預期果隻，但呃like既。

Beef Carpaccio，佢用左一隻好特別既Nduja Tomato Sauce，係一隻南意大利既辣豬肉醬，再加上burrata Cheese與及芥茉籽，幾好食架播！

Fish Taco，用上梳羅魚，配上綠莎莎醬與及Chipotle mayo sauce，加上青檸汁，清爽開胃。

Second Course: Porchetta，係烤豬腩配上一隻叫Romesco既醬汁，此醬汁來自西班牙加泰隆尼亞，以蕃茄為主再加其他配料，主要用作塗麵包，配上呢個烤豬腩，唔好以為好油膩，絕對唔係，係好香口又有咬口。

主菜選了牛扒就係二人份喇，有圖為證，個扒真係非常Juicy，呢個係Flank Steak，當然medium rare，配上呢個來自阿根廷既青醬Chimichurri，成份係芫西蒜頭牛至欖油與及白醋，減低飽膩感；至於果個Mac Cheese，喂真係令我想起係紐約食扒一定有果隻，Rich and Yummy。烤菜與薯條一定有，食唔晒呀打包呀！

甜品改左我又唔記得係乜，總之都非常之好味啦！

呢間餐廳果晚去都幾旺場，你地研究一下有冇興趣去試喇。