重遇曼谷：住在Centara Grand

我對於酒店的要求在旅行與出差是有所不同的：旅行呢，無理由成日係酒店，大部份時間都應該出外玩，酒店四四正正乾乾淨淨就可（當然個人就不大喜歡藏身大廈某幾層樓的酒店）；出差呢，你完成一天工作已經很累（因為出差時你不能夠自行控制工作時間，特別是我的工作，出差時真的沒有太多時間透氣）。還有，有時返到酒店仲可能要開工。

所以，出差住的酒店，要舒服，工作位置要適合，亦要夠寧靜。我每次出差前都會再通知酒店盡量安排樓層較高的房間給我，這次住Central World樓上的Centara Grand，個個聽到嘩嘩聲，實際又係點呢？

首先，酒店大堂位於廿三樓，其實我極度懷疑呢個23樓係佢地自己set出黎，因為我由Central World七樓上三四條扶手梯就到呢個聲稱自己係廿三樓既Lobby。

好，我地介紹間房先：

的確幾好景，三十九樓播。

入房側邊有工作間，實用既，不過最推介肯定係浴室。

可以企可以浸，佢仲提供浴鹽。呢度要一提，由沐浴露洗頭護髮潤膚至浴鹽，都係好清幽既蓮花味，連條大浴巾都有香味！

另外，房間提供係好高檔（？）既Singha drinking water，巧妙之處就係玻璃樽裝，重到飛起，你係肯定唔駛旨意囉出去。

酒店有泳池係廿六樓（我間房望落去都見到），餐廳提供自助早餐呢樣要讚，因為左右兩間餐廳同時開放，提供食物無乜特別但勝在夠多選擇，而且每日都有唔同既mixed vegetable juice提供。

仲有，每位住客都有呢個welcome dessert，可以係lobby旁邊既吧享用： 

講到酒吧，呢間酒店五十五樓個Red Sky Bar又點可以唔提？其實第一次去曼谷都上過去飲野，今次當然都有一到啦！五十五樓餐廳出外再上一層樓梯就係酒吧，可以盡覽曼谷夜色。

你問：貴唔貴？咁大杯hoegaarden一百三十蚊港紙，其實呢個景呢個mood，值既，不妨一到，非住客亦可以去。

最後要提一提一件小插曲：尾二一日，我竟然係房間發現小強！我無係房食野，當然都有可能係我去Big C買既野跟番黎啦！但第二朝我出門口，嘩，無ｘ野下話：

成地蘋果呀！話說咁既，每層升降機附近都放左生果歡迎住客囉，我諗，我隔離房有好缺德既住客咁囉。乜野國籍？我曾經聽到捲舌好勁既普通話囉。我當然有向酒店反映啦，其實又唔係要搵乜野著數反正公司俾錢，但實在唔要得囉呢ｄ住客。