2013年9月12日星期四

無味精東涌小炒:天廚菜館

早前到東涌探望剛剛喜獲孖女的同學,貴為BB殺手的我當然抱過兩位公主而且令她們舒舒服服,之後同學就帶我和另一同學去開飯。

當然,我們沒有什麼要求,只是另一由外地回來的不想吃西餐,於是,一盡地主之儀的就選了一間要打電話Call車叫他們來接我們去的餐廳,位於東涌馬灣村的天廚菜館。


這裡的小炒與海鮮都非常出色,而且重點是,家常菜無乜味精,還要非常之幾抵食。未點菜之前,先來這個:
木瓜雞腳雪耳老火湯,飲得出幾足料,而且肯定無味精,不另收費。另外,每人送汽水一罐,係咪好開心先!
霸王雞半隻,肉嫩又滑而且調味汁剛剛好,連薑蔥一齊食,好岩送飯!
油鹽水花甲,大大隻就當然,而且鮮甜無沙,內裡仲有粉絲,唔知花甲係咪附近摸番黎架呢。
同學話呢個必點,果然無介紹錯!椒鹽鮮魷食得多,能夠做到炸漿夠薄,香口,魷魚彈牙鮮味就極少有,這裡的出品,的確是很高分的。
此蒜蓉蒸開邊蝦乃與油鹽水花甲為孖寶推介,一上檯份量之多已經嘩一聲,蝦很鮮甜,並非以蒜蓉味道掩蓋蝦的鮮味,蒸蝦時間剛好,所以,真係蝦頭都想食埋!
此乃最估唔到高質之蒜蓉炒通菜:唔肥膩,用油少,炒得好鮮綠翠嫩,師傅真係有料到。

好,每人叫左一碗飯,食到飽到上心口,仲有糖水送喎!
紫米露,無因為係送而令人失望,同樣足料清甜!

咁食法,埋單,三個人位位唔駛HK$170!好喇,各位若果入開東涌,又唔知去邊度開飯,可以參考以下卡片:

沒有留言:

發佈留言