先提這個重點：『iPhone在部分中學滲透率超過三成，有前線警官批評，家長購買iPhone給年幼兒女，既無實際需要亦惹人犯罪，呼籲家長醒覺。』家長會不會醒覺呢？我節錄其中一段家長心聲，讓我與朋友們看完都覺低能的東東給大家看：
家長羅先生向本報投訴，就讀太古城國際學校的13歲兒子，上周放學後約4時許，在太古城中心附近公園遇劫。他指兒子當時一邊走路、一邊拿著iPhone 4講電話，沒料到被6個身穿灰褲白衫校服、自稱黑社會的學生強搶iPhone。他兒子當時太驚，一度不敢報警，羅先生質疑該區近月治安轉差。
對於為何買昂貴iPhone（5000元以上）給一個中學生？羅先生解釋，兒子就讀國際學校，兒子聲稱班上七至八成同學用iPhone手機，「佢又話好想要」，他才順意購買，未想過會有危險。他近日已改購一部僅千多元的電話給兒子，「佢有少少怨言，說沒iPhone好用，但現時都係安全為先」。我不知羅先生今年貴庚，教育背境如何，但當我讀到『投訴』兩字，再讀下去，不禁問一句：你投訴乜春？
投訴香港治安差，所以拿一部電話出街都很不安全？投訴太古城公園附近治安差？若果他真的有以上投訴的話，我會建議他舉家搬離香港，又或者請保鑣接寶貝仔上學放學。
投訴什麼？若果是學校規定一定要買iPhone才可以上學，有教學用途，家長擔心兒子的安危，這也勉強可以投訴；現實是：你因為兒子話人有我又要有，你就買給他，兒子是否應該投訴你呢？
對於他指未有想過有危險，更可笑！報紙電視新聞日日報導，差不多隔日就有一宗iPhone被搶劫的新聞，而且已經不一定是三更夜半幽靜街頭。你買iPhone給兒子，兒子就算有空手道黑帶，失驚無神殺幾個人圍佢，唔交出電話你估你個寶貝仔會唔會俾人打到變豬頭？
我想羅先生那麼順兒子的意思，肯定不能叫兒子不要在街上拿出來的吧！這也合理，電話就是拿來用，拿出來曝光都不能，電話還用來做乜？
況且，寶貝仔想要的目的係人有我有啊！在學校已經不是炫耀，而是拉近同學間的距離嘛！你叫個仔唔好用得咁揚，你不如唔好買俾佢啦，羅先生。
我很清楚時代不同，現時學生帶手提電話番學已經屢見不鮮，不過溺愛子女的家長們，是否要買一部四五千蚊的手電呢？其實不一定是iPhone，未出現這之前很有又貴又靚的手電一樣會成為賊人的獵物，當然iPhone大熱，大熱成為搶劫目標，危險度更高。
報導有教育界與及警方提出對於學童用iPhone的需要性與危險性，其實想深一層：父母們是不是要滿足子女所有的欲望呢？
大家都明白什麼叫溺愛，大家亦相信為人父母都會盡力愛護子女，但愛護的意義是什麼？他想要很多東西，很多都是不切實際或者不必要，作為家長是不是為了他快樂就要買給他呢？
家長能不能向他解釋這世上不一定人有我有，能不能讓他明白是否有必要用iPhone呢？又或者告知他危險性呢？
不過我也明白，可能由細到大你都無乜同佢講道理，佢一喊一唔高興你就順晒佢意，佢要買乜你都俾，同佢講危險佢會話『唔理，我要用』。咁，依家中二中三，點會聽你之笛？
你買他這個，他之後又說要那樣，出來工作發現搵得雞碎咁多，乜都買唔到，車又無樓又無，係咪又你買俾佢？咁希望你努力搵錢，夠養佢一世之餘仲可以滿足佢無窮盡既欲望！
愛護的意思除了愛錫還有保護，作為父母都不懂用腦去分釋事情的危險性，不懂令子女明白事理，這不是愛護，是愚愛。
沒有留言:
發佈留言