三月特別多飯食：天膳

本來，那餐食乜咁食又咁岩係第七餐既蓮香就係本人三十七歲大壽壽宴完結篇，不過可能大家怕我食乜咁食對著個七字唔係幾老黎，所以，竟然仲有兩餐！

位於渣甸中心既呢間天膳，據知當中壽司司傅由天勺過檔，所以水準同賣相都跟天勺有得揮。光顧當日，已經出現輻射危機，所以日本食肆基本上唔駛book走上去都有得食。

打開餐牌一看，又的確跟天勺有點似，不過先被牆些呢張告示吸引：

既然之前食過魚生飯，呢餐就揀自選壽司餐，十件呀！

壽司未到，先睇睇呢個茶蒸碗：

非常天勺既感覺，好滑溜，唔錯唔錯！

（由最頂開始，左至右）：中吞拿魚腩，大吞拿魚腩，碎蔥吞拿魚腩卷，油甘魚，白身魚，牡丹蝦，帆立貝，赤貝，海膽，三文魚子。（有錯唔該提提我）

鮮甜，高質，除左中吞拿魚腩入口有少少渣之外，全部都好好食！仲要係百五蚊咋！

呢個小食不能不提：汁燒牛舌，好掂，跟住上既前菜可以咁正，真高興！

埋尾仲有紅豆雪糕與及水果，呢個價錢值回票價有凸，絕對值得支持。。。如果你唔係果班真係以為食左日本野會死既人。

講真，果班人日常生活都唔知做緊幾多野危害個人健康。