Saturday, May 20, 2017

不要當個飯來張口的讀者

最近有人問我:「其實現時Blog Facebook的人數遠多於Blog的讀者,為何還繼續寫下去?」我說:「因為兩邊的讀者群並不一樣,有時,可以令Blog Facebook的朋友去讀Blog Articles,這也不錯的。」

對於Blog Facebook,我由第一日無乜人到現時接近六千,處理方法一樣,因為我無需要人多,亦不是用作搵食,所以絕對無需要因應大家想睇乜而貼,更不會用嘩眾取寵方法呃Hitrate。



有人問:你係咪KOL?首先,不如先講講,點解Blog文章少人睇,而Blog Facebook貼張相寫幾隻字/轉篇文寫幾隻字廣傳度高咁多呢?

好簡單,大家慣性喜愛速食,喜愛有人話你知係乜事,乜都要快,唔好要我睇咁多字,就算你貼條Link,若果條Link標題不吸引,你試下我無寫可以吸引人去讀既引言,會唔會有多人睇?

我貼出一張相,好多時都唔會無無聊聊無野想表達,我一定有所聯想先貼出黎,而希望分享我呢個想法呢個角度睇一件事,望到既朋友,可能有共鳴,可能會inspired會諗到更多,可能會分享。

至於我分享的文章,同樣地,除了先核實真偽,讀過內文知道跟標題有幾相關,最重要是會寫我所想的想帶出的東西,所以可能會Quoted當中內文,再加幾句抵死的引言。因為,我的page不是一個news portal,我也有我的想法,自然也會用我的地方去表達。

你以為我唔知,放乜野多人like多人share咩?久不久我又想放又想大家開心咪放囉。

不過我非常希望既係:就算大家幾忙,幾唔得閒,當接收網上資訊,麻煩都用番少少時間望望內文,切勿被標題黨得呈,然後就因為自身的instant reaction而將之廣傳。

況且,係咪真係咁忙咁唔得閒,定係慣性不花時間思巧呢?大家心裡有數啦!

腦袋唔用就會退化,無論由新聞到身邊發生既事,若果我地慣性飯來張口,News feeds傳乜過黎唔睇內文唔諗合唔合理就照單全收,你係會越來越蠢,然後就越來越容易被煽動愚弄。

Well,當大家口口聲聲珍惜新聞自由,取笑某國將新聞消息封鎖報喜不報憂,而自己開始報紙/電視講乜就信又或者連Content farm之類假野都照單全收再傳出去,其實跟某國五毛,有乜分別?

所以,萬一你又唔知點解睇到呢篇,請你記得時常提醒自己,在現今香港社會是非開始被刻意模糊化的時候,更需要求真,更需要清醒。

No comments:

Post a Comment