很不錯的爐端燒：南瀛水產

就算唔知幾時去到日本，大家見日元大跌一樣努力入定貨，因為我地太想去日本。於是，壽司郎Donki松本清成為我地感情寄託的好地方，當然好食既日本餐廳，而價錢又唔會離晒地兼要你食到限時限刻，我地一定會鍾意去。

五月有晚同朋友食飯，用開飯黎訂位（因為主餐牌有八八折不包飲品），搵到呢間係尖沙咀食爐端燒既南瀛水產。本住對香港日式餐廳應有期望水平，邊食邊發覺，咦，呢間喜出望外播！

先介紹基本野：

 

左邊係海鮮沙律，$88，合理尖沙咀價錢，而角切魚生無同你慳，沙律油醋汁調得合適，合格有餘；右邊香蒜牛舌，都係$88，呢個厚切又香口，極極極好味，你叫我一個人啪三碟都可以。

 

 

呢個係重頭戲喇！爐端燒，呢個係活貝盛合，有兩隻鮑魚兩隻蠔兩隻帶子與及幾隻蛤蜊，$428，重點係，佢有人幫你燒，你唔駛擔心你唔識整！食材新鮮大隻，睇住佢一邊燒一邊調味，口水直流：

殘忍，但好食。

仲有啊！

黑松露鰻魚斧飯，上檯要你等夠時間先開，一開濃濃黑松露香氣撲鼻，然後侍應就幫你撈勻再serve俾你，香口肥美極度滿足，$188。

A5宮崎和牛壽喜燒！和牛質素大圖有真相，壽喜燒份量極足，醬油湯底香甜，呢個又係極之好食，$438！

呢間我係會想再去，都係果句，訂左位，穩陣！