我對食唔係無要求但未至於好叻食得好巴閉。好食先係重要，顏色係Bonus，所以只有顏色而唔好食，我最多唔提。
呢兩間，有一間我幫襯好多次，有一間去過一次覺得好唔錯，咁不如介紹一下啦，雖然，呢排實在寫得太少，所以幫襯日記有少少久遠。
師父飯堂位於太古附近工廈樓上，我知，我知好多都好食，但作為堅實Pasta Fans，我每次去到雙眼都離唔開Pasta類，近紹兩款我最常食：
炙燒明太子意大利粉！係原條明太子炙燒再加好多大大粒三文魚籽，鍾意食明太子就明白果種來自大海的咸香有幾好味，而通常都係與意粉融為一體，好食不過唔夠過癮。咁你話原條炙燒係咪好滿足？你仲要食極都好似食唔晒咁，九十幾蚊（仲有飲品）我俾得好樂意，平時多數加多隻煎蛋！
我呢類運動為左食當然唔會錯過Carbonara啦！好簡單，夠Creamy，又唔會過濕過多汁，意粉Al Dente，煙肉唔好孤寒，份量有圖有真相，即叫即整架播！
呢個係蜆肉闊條麵，應該係我通常第三選擇，比較清清地啦，又有露筍咁啦。
舖頭Pasta款式唔少，仲有其他飯類與及唔少朋友喜歡既沙律同咖喱。留意番，由於即整，所以你去到，等門口姨姨assign左檯俾你，埋去俾錢買野，乖乖地坐低等，十分鐘起跳啦，但信我，值得等！
尚青商號，我之前主要係去買小杜良品麻辣鴨血，有似終於同朋友約食飯第一次光顧。晚市，排隊無走雞，但唔駛好耐，十幾分鐘啦！
係，舖頭好多打卡位，影到你唔影。咁食呢？
呢個麻辣鴨血，辣度親民，好香而個湯係可以飲，鴨血都好食，有咬口量都唔少，的確幾精緻好味！
朋友當日呢個應該係肉燥拌麵，根據佢表示係好食而且麵又掛汁！
小食係咁：我好喜歡咸酥雞，因為每一口都好香仲有蒜粒加九層塔，另外鹵水拼盤望落多Ｄ少，不過係好入味既！
我應該要搵時間再去！
沒有留言:
發佈留言