吃吃的首爾：酒有別腸

睇得韓劇多，都知道佢地有一隻米酒叫瑪格莉，米白色，酒精含量不高，好順喉。去年出差，有一晚當地同事帶我去一家叫酒有別腸餐廳食晚飯，係一家專賣瑪格莉酒既新式居酒屋。

其實前年都想去，不過客滿，今次終於食過，而幾位同事話我知，女仔飲瑪格莉，好易醉，因為有好多唔同款既果味，唔覺唔覺，咁就出事了。

  

講講呢個瑪格莉：係人地主場我當然等同事發辦啦！除左以上呢支，佢地後來仲有點過芒果味與藍莓味，而幾位韓妹亦發表意見，表示芒果味實在太好飲，女仔好易唔覺唔覺飲多左。

食物，係有趣而好味既！例如呢個韓式肉醬煮年糕配上羊奶芝士，係出奇地配合！送酒，當然一流啦！

 

呢個芝士煎薯餅係必點既！煎得完全唔油膩，而內裡既芝士，有圖有真相啦，真係堅有拉絲架！

麻藥菜包肉，韓國菜常見啦，好有水準！

韓式炸雞又不能不食既！旁邊呢個黑松露薯條都幾好食既，其實近年都好多餐廳有黑松露菜式。

今次四個人又不能食太多（得我一個男），當然，我想有機會去好地道既韓國局酒屋見識下，特別係岩岩睇完山茶花開時。

至於瑪格莉酒，只可以得閒去759買番黎飲，咁，又唔貴既。