太古城首選：Sensory Zero

久不久我都會到太古城吃午餐，因為不少舊同事舊同行都在那邊，若果時間許可我從中環過去不算很遠，回中環只要乘720巴士比起搭地鐵更快。不過太古城有什麼好吃呢？

不是沒有，只是有些太貴，以前至愛的大食代沒有了，在另一邊的food court都是很貴，早陣子吃過在誠品內的Sensory Zero感味宮匠，吃過兩次也很喜歡，而且好像好些東西都未試過，希望之後會試試。

Sensory Zero不算特別便宜，但食物質素是值得的，而且咖啡及茶很多花款，味道很高質。

 

午餐選擇很多，就算同行有茹素的朋友一樣有幾款選擇。我先介紹朋友吃的鰻魚飯：

 

我係有食過少少既：鰻魚好肥美，而且烤得剛剛好，調味剛剛好，醬汁配上飯好得，我可以話呢個鰻魚飯比起好多香港餐廳都要好。

我連續兩次都不作他選：海膽蟹肉忌廉扁意大利麵！海膽唔少，而且鮮甜，蟹肉亦唔少，配上巴馬芝士及雜菌，意大利麵al dente，份量適中（因為再多就好膩食唔晒），creamy又香口，極得！另加三十蚊，有呢個沙律，加上南瓜湯，原汁原味，好出色！

飲品除左基本之外，係可以係餐牌上選其他再補差價。朋友呢杯係Signature Iced Orange Tea，佢就話好好飲喇；我呢杯仲有趣：Tea Champagne Rose Oolong，其實係有氣玫瑰烏龍茶，完全無酒精，好好飲，無添加糖份！

此店有另一值得讚既地方：就算我一個人去等兩人檯，佢都唔駛我齊人就俾我入喇。另外，據知用一個叫Storellet既app，係有著數既，著數係乜我唔記得左，好似有折咁樣樣啦。

下次太古城食晏你可能會遇到我，因為我仲有好多食物未試，例如佢地既all day breakfast。