殘廁Gathering

新工的確比較忙，不過昨日忙到嘔抖抖氣上上面書，見一朋友貼出一條短片，還在懷疑是否真的。你知啦，家陣面書迫你睇無聲片段嘛，那我就望了一會。

是一名七線女藝人疑似跟一名男性在國金拍拖，睇戲食飯飲野越痴越埋，最後一齊佔領殘廁，但原來黃雀在後，記者偷聽佔領過程之後就將殘廁重重包圍，捉個正著：你依家唔係事必要你講，不過你所講既報紙同網係一定見到既！


由於無聲，畫面拍到該名七線的反應又好似唔係好交到戲，反而男主角就似似地被捉個正著，所以，的確有懷疑這段片的真偽。

你知啦，家陣網上既野，好多時都係呃like呃鬧呃關注，如Andy Warhol話齋，每個人都有十五分鐘當紅的機會，特別係七線之類既，可能，或者啦。

咁，之後上晒報啦，樂小姐都話不可饒恕喇，咁即係真啦！於是該報紙網站今日再放足本上網，另有報導指，男主角月入十萬住獨立屋上市公司董事，非常有米。

一直都覺得，女仔呢，就算幾愛幾愛都好，千祈千祈唔好接受猴禽的男性好想好想好想的要求，即例如，巴士上ＸＸＸ，戲院入面深入探討，又或者汽車上搖擺之類。當然，隨便應承男性進一步要求從來都並非正確啦。

不過，成年人，又或者，女方計過度過，除情到濃時唔等得欲拒還迎之外，怕放走金礦都可能是原因之一。於是，佢想，無諗咁多，然後出事。

那話長唔長的三十分鐘，除了有纏綿的聲效之外，其他對話才是有趣的重點：同得你入去，展開前哨戰，突然又問「我地係朋友做呢樣唔係幾好」「錫都好大件事」嗯，女人是這樣的嗎？

佔領殘廁gathering傾計都可算一絕，不過傾完之後就由前哨戰進入正式賽事，並不太清楚賽事完結與否，突然女主角又怕有人拍門不如番屋企，嗯，莫非真係酒精害人？定係戰事令人清醒，突然想起呢度唔係佢屋企廁所而係高貴的國金殘廁呢？

不過數到好笑，都不及男方為求完成賽事之大道理：我呢個月呢年都未錫過女仔，你果ｄ朋友還你果ｄ朋友，嗯，在下實在非常佩服在門外包圍既戰地記者忍到笑。

即咁，男主角咁有境，若果真係視你為女友，大家要呵呵一番，都應該立即愛回家啦，下話？如今只係安排你係連瓜佛附近辟靜殘廁，閣下呢個女朋友既地方如何，可想而知啦可？

事情已經發生，這個Gathering又確實唔著，霸住殘廁囉最錯就係！咁，佢出黎道歉，話自己一時鬆懈云云。嗯，你既鬆懈實在可圈可點，呢舖應該人財兩失無線又唔番得，所以呢，幾時都話，公眾場合，大家一定一定一定要檢點呀，就算你唔係藝人名人，大家都鍾意拍拍拍，話唔埋，下次就到你架喇！