寶記別傳：西歌推介之王馨平

王馨平，當年寶記玉女歌手之一，由甄妮姐姐一手帶入行仲做過佢經理人。Linda當年出道其實年紀都唔小，報帛稱廿五而被質疑，不過對於佢當年唱廣東歌，一直都覺得怪怪地。

台灣出生，國語先係母語，所以國語歌可以唱得好溫婉，但廣東歌則時常有逐粒字唱出黎與及唱得好堀，加上當年寶記玉女歌手方程式快歌，佢唱過既好幾首主打歌，都實在幾西：


首推，一定係呢首，當年主打聽到真係跌落地既舞林大會：你再坐坐坐坐小姐變師奶／Light up your life你只要起舞有笑就buy／今天婦解共友伴跳到上街。呢首A-Go-Go，以佢獨特咬字堀到爆既唱法，真係聽來別有一番風味：

當年唔知係咪寶記覺得佢真係可以走快歌路線，另一首主手打瀟灑女人，無咁西，不過音樂有音樂佢有佢唱，又真係佢其中一個特色：

仲有呢首，當年落Ｋ唔知邊個咁好推介，笑到我噴檸茶：

唯一欣賞就係當年既李若彤同依家，無乜變喎！

有一首叫Keep Fit 舞，改編自Olivia Newton John既名曲Physical，整番段歌詞大家跟住唱：
「年青的小姐發射健美動態，青春的心多愉快；清風吹腰姿四處擺，每個動作也High；燃燒起青春之火新的狀態，彎腰伸腿開始漸快；身體感快樂會了解，會令你好High；Baby Physcial Physcial，你要每天起身早，朝早一隻Keep Fit舞」

http://www.kuwo.cn/yinyue/170076/

鄭多燕都要行埋一邊，多謝向雪懷先生既佳作。

不過要公平少少講，CY Kong幫佢做既快歌又可以架播，識得幫佢tune個vocal，所以，真係幕後既問題。

另一首Side Cut，讓大家見識一下李敏小姐填詞既功力：呢首叫Sexy Ghost，好似連Chorus放呢兩個字都唔係好岩音播：

最後呢首，唔算西歌，點解會貼出黎呢？話說我兩位讀緊幼稚園既小公主，最近成日唱呢首歌，原來，學校教播。即係呢首1996年既作品Hit到家陣，大家可能聽過你地仔女唱架：

咁，美少女戰士貼過，唔貼喇。下期，點都輪到哭泣瑪利啦可。