繼續推介的King Ludwig Tea Buffet

上月某天，心血來潮，跟朋友沒有預計走去赤柱。由於跟朋友都沒有吃午飯，所以到達後想也不想，立即跑去美利樓的King Ludwig來個下午茶Buffet。

未講食之前，真的要投訴一件事：整乜領匯整到成個赤柱商場變成死城？核突到不得了！由巴士站落去美利樓好似行迷宮咁，不知所謂！

言歸正傳，家陣價錢位位HK$148，食兩個鐘最多，可喜係食物質素無變，有多無少：

食肉獸福地，至開心係家陣有埋Salami食，煙鴨胸，燒牛肉，意大利雲吞，加上繼續有幾款即燒德國香腸，呵！

繼續有即叫即整Pasta，不過好似無左白汁，全部都係龍蝦汁，好食好食！

有海鮮架！蝦啦，三文魚啦，仲有翡翠螺！（特別介紹第二張相左邊果個哈密瓜沙律，好鮮甜！）

這個海鮮忌廉湯不能不喝！

甜品！大有進步，基本上以上咁多款，只有一兩款係太甜而我唔多岩食，其他比起部份酒店自助餐甜品更掂！

食到飽飽，慢慢係赤柱散步，風景如畫，絕對要再次推介大家！