超平的High Tea

其實對於一個麻甩，High Tea實在不是我所好的東西，不過，很久之前曾經在一位於黃泥涌道的私人會所試過一次，那一層層的放上不同的咸甜包點賣相吸引又的確好吃。但我知道，那裡又或者很多酒店的High Tea，價錢都並不大眾化。

剛看上一期的雜誌，介紹西環有一酒店的High Tea Set只是HK$68一位！由於真的沒有留意實質位置，雖然我住這區，但又不記得西環尾有一酒店。於是，星期日有朋友在我游泳之後找我喝茶，我就到便利店揭揭雜誌，啊！這間叫帝盛酒店！

根據網頁介紹，這是一間四星級酒店。位置呢？堅尼地城爹核士街十八號（怎去？自己找找吧）。酒店三樓有一餐廳，名叫Cellini。

哈，真係Poolside架！

好，睇睇有乜食：

 

得唔得先？有Parma Ham，有鵝肝，又有黑魚子，煙三文魚，好鬼豐富架！

鬆餅仲有忌廉與果醬俾你，好得！

餐具靚，但呢杯咖啡更加唔錯，係水準以上！

實在係估唔到既水準，六十八蚊連加一，七十五！餐廳開張兩星期，當日星期日下午得我地一檯，所以應該未有太多人發現；同時亦因為酒店開張無耐，所以廚房與侍應仍然大大聲講野，完全唔覺得自己係酒店。

不過咁，咁既價錢，又好食，仲想點先？