Thursday, August 11, 2016

三個麻甩遊台北:東輝韓食館

有同學表示台北最近很流行韓食,問我能否安排一頓韓餐呢?當然沒問題啦,東輝韓食館早在我的口袋名單,不過一直沒有機會去吃——次次一條友去,點食呢又。

於是出發前又訂座,有人問:無台灣電話點訂?我可以搵朋友幫手,不過其實若果你發現店家有面書,我就會用面書向店家訂位,通常都有回覆。今次就係咁,訂左十一點半果個時段,因為下個時段就一點。然後成餐飯同學都讚我,好彩有訂位,因為不斷有摸門釘既,要一點後再排。


店家位於松江路近行天宮站,座位不多,馳名薯仔排骨湯。坐定定,未點先來就是前菜:

同學認為醃菜(特別是泡菜)偏酸,不過後來名白有原因的。這些都可以添吃,另外海帶湯也是任飲的,很好喝。
這是小的排骨薯仔湯,滿滿的通菜金菇與黑椒,壓下去再試試湯,帶辣而原味,是煲了好久的湯!排骨入味鬆化,整個湯真的好好飲!
這又是什麼?烤牛肉湯伴飯,此湯偏清甜,配上冬粉,撈飯食的確一流,清新之作。
睇韓劇睇得多既炸醬麵終於食到喇!唔辣,偏甜,此店的製作應該幾正宗,而且麵是乾爽的。

重頭戲來了:

呢個叫松五梅烤肉,有松阪豬,梅花豬與及五花豬,唔駛驚唔識烤,因為店家會幫你烤,教你食。

首先,可以用生菜包一塊烤肉,再加蒜頭泡菜然後一口食左佢,好香口呀!豬肉並無過份調味,所以食到豬肉既鮮味!另外可以點油鹽或者辣醬。
咁咁咁多肉,只係NT$600!再加埋其他,呢餐都唔駛過千!不過真係要記得,訂位呀老友!

No comments:

Post a Comment