無跟開面書既朋友你地好：剛剛一星期去左美國，工作關係啦！目的地都是紐約，而今次就決定早出發，先去波士頓探朋友，再回紐約開會，希望可以用多幾日時間適應時差，開會可以精神爽利。
如意算盤是次打響了（之後再說），至於波士頓之旅，感激朋友們除了提供住宿地方，並帶我到他們心目中至好食餐廳。所以，我除了能感受波士頓如此舒適、空氣清新、很多樹木之外，在吃這方面，完全為我這次美國之旅打定個底——皮下脂肪方面。
紐約怎樣去波士頓？飛機在Newark降落，早就在網上買了通宵火車票，到達Newark Penn Station，出發時間是0122，火車站有露宿者，有流浪漢，職員不多哈哈。只是在等候室等待，不只一次有人走來問我到哪乘車，我表示我是遊客，不如看看那個顯示吧！時間到了，那火車出現，然後好幾個乘客就上車，自行找個位置坐下。沒有劃位，更沒有人幫你處理行李，我要將我那個大行李箱抬上座位上的行李架，然後舒舒服服一個人坐兩個位。期間沒有人查票，只是問我們下車地點——因為職員會很好的走來叫醒你。於是，一張四五十蚊美金的火車票，其實可以不買——只要你真係咁大膽，諗住無人查你飛。
八點左右到達Boston South Station，天氣好，環境好：
乘Uber到朋友家，放下行李洗個面就出去，雖然累，但不想一睡生理時鐘就更加亂。他帶我到他的心水店吃個早餐：
此店叫Citygirl Cafe，好好好多人，好好好多人等。第一份係Goat Cheese Bacon三文治，另一份先超好食：Monte Cristo，French Toast Panini with Turkey, Prosciutto, fontina & a fig aioli，再加加拿大楓糖漿，咸甜咸甜，停唔到手！
下晝，到哈佛大學校舍逛逛，比較特別係搵唔到大學有個好宏偉既門口，不過我地亦剛好遇上新生入學典禮，熱鬧非常。
仲要介紹呢位「洋過」，巧勁，貢樣訓係度講左好耐電話：
未開飯之前，行經Ben & Jerry，忍唔住，叫左杯Berry Milkshake。雖然好似令自己好受少少要skimmed milk，不過睇住佢放左四球berry ice-cream加兩球vanilla，然後再加whipped cream，嗯，好飲好飲亦好肥好肥：
然後行左十五分鐘左右，到達晚餐地點：Giulia，一家朋友們最愛意大利餐廳。訂位極難，訂不到呢，就好似我地咁，排隊等坐吧檯喇！
麵包好食，而呢杯Soda，係serve我地果位bartender好隨意咁整既，都係檸檬汁檸檬皮咁咁咁，幾好架，唔甜。
第一個前菜朋友話必點既：warm semolina cakes with crispy sunchokes, nutmeg, parmigiano and black truffles。菊芋，肉豆蔻，芝士，黑松露，好有趣，好好食，放入口我都唔知入面係乜，以為有肉，點知無。後者係我點既，Marinated olives and Almonds with confit garlic and balsamico，簡單就即係欖啦，不過熱既，我就食晒喇。
朋友每人點左個Pasta，因為此店最出名就係其handmade pasta：第一碟係肉醬意粉咁啦，paccheri "alle bolognese．用上豬肉，牛仔肉，牛肉，雞肉，雞肝，我試左少少， 醬汁非常適合我，而且pasta充滿蛋香就彈牙；另一款係tortelli en brodetto，係兔肉煙火腿意大利雲吞，味道較清淡。我選就當日既Special，係牛仔肉腸配米通青豆松露芝士汁，唔知點講好，各項食材係平衡得好好，惹味得來又唔會膩，難怪此餐廳如此受歡迎啦！
唔知係我唔夠訓定點，我竟然覺得好飽，所以朋友們點左個vanilla panna cotta with roasted muscat grapes, crumbled biscotti，我只係試左少少，好滑好香！
當晚七點番到去，我就昏睡三個半小時，然後沖涼再番房上陣網，十二點左右訓著，六點半醒。非常感動，第二晚就可以適應時差，心情自然非常好啦！
之後再寫寫另一日穿州過省食左乜。
沒有留言:
發佈留言