2016年10月21日星期五

首爾寵寵寵:牛腸與生牛肉

大家都好明白,若果我到一個地方之前無做資料搜集搵食是沒有可能,特別對於韓國菜某些東西實在有Fantasy,會問問常去韓國的朋友,甚至當地的同事。

其中一樣就是烤牛腸,這樣食物我非常喜歡:牛腸跟豬腸不同,牛腸比較煙韌,而且滲出的牛油香是很不!得!了!我吃過日本博多的牛腸鍋,在韓劇看他們吃牛腸已經流口水,所以,這次一定要吃!


於是,找到明洞有一家叫일번지곱창的餐廳,剛好當地有位朋友有空跟我一起吃:
餐廳點菜用Pad,不過都是建議大家問餐廳拿份中文餐牌比較好。由於朋友在,他就跟老闆娘溝通負責點菜。


一上檯香味撲鼻,係係係,牛腸好肥,但我話你知,你食左一舊,就番唔到轉頭。至於駛唔駛用調味料,唔同感覺既,原味對我黎講都好得好得,入面另外有類似牛心管之類其他牛雜,開正我果瓣!
好有趣,韓國既韮菜好好味又無渣,我係香港係唔多食韮菜,黎度韓國次次都有食。撈埋食,係極之配合。
呢窩係芝士,老闆娘推介,點講呢,呢個芝士味道感覺人造,但唔係唔好食既。
朋友選既真露,柚子味,十三度,但真係好好飲,飲完,果晚好好訓!
食到尾聲,通知侍應,佢地就會原窩囉入去加飯,加紫菜,再炒兩炒,呢個炒飯你無可能唔鍾意架!

兩個人咁食法,都係三百四港紙,真係極抵玩!

另一晚,睇完醫生果晚,本來我真係一心想去一個地道專食生牛肉既市場,但都係近近地,搭的士去左鍾路區,想搵果間疑似執左,咁玩我呀!然後因為該區好多餐廳,行左一個圈之後,俾我發現另一間!

此店名叫육회공작소 종로1호점,有英文餐牌,仲有一兩個侍應英文係唔錯既,所以我一條友好開心咁,食左呢D:
呢個牛膝湯係送既!呷一啖,果種精製鮮甜真係好驚喜,仲要入面既牛肉係嫩滑好味架播!
主菜:生牛肉他他與牛肉刺身!生牛肉他他撈埋雪梨絲與及其他蔬菜,得!生牛肉刺身,呢度係點乜架呢?一係麻醬一係甜醬,咁你都可以加少少鹽既,我係非常之滿足!
八爪魚刺身,即切只用麻油略調味,上檯一路食一路見佢仲識郁。需要加少少鹽食,好好咬。
另點呢碗五穀飯,喂人地一碗五穀飯收你一千won,即係七蚊都唔駛!
侍應介紹梅味真露,唔錯唔錯!咁咁咁食法,三百六港紙落樓啦!真係好開心!




沒有留言:

發佈留言