今次寫這家叫「請坐」，老老實實，我的確有掙扎過好不好介紹，因為我從知道有其存在，至今一個多月內我已經食過五次！三次外賣兩次堂坐，而每次也是讓我念念不忘，為什麼呢？因為真的吃著他們的食物，彷彿回到台灣一樣，暫時未有得去，咁當然要常常用食物止癮啦！
首先介紹此小店的位置：西營盤水街頂，巴依餐廳落山方向，未到第三街，左手邊有幾間細餐廳，中間那間明明招牌寫住小息站，而店左右又貼住Taste Taiwan就係佢地喇！
第一次，原來想食滷肉飯，點知賣晒，咁，見有人食緊台灣牛肉麵，賣相好得，而且店家仲可以幫你添湯，就叫一碗買走。主廚的阿姨們都是台灣人，我有時會跟他們說國語的。好，先介紹呢碗HK$56既台灣牛肉麵：
第二次，新春前夕，與同事在weekday發神經從中環搭落去食晏。坐上閣樓，發現原來好多附近既老師已經非常識貨，所以，同學仔通常係樓下買午市便當（喂好鬼得有機會我都想買番個食下）。咁，當日食左呢個：
之後兩次外賣，分別食左呢兩樣：
第二次，又係食唔到，於是食左豬排乾撈麵，原來撈麵好得！所以，最近呢個星期六，走落去堂食！七點左右，樓上已經坐左十數人，我就點左肉燥乾撈麵與及滷金錢肚，就係咁：
寫到呢度係咪好想去呢？首先要留意，一，此店真係家庭式經營，上菜時間有快有慢，但非常好禮貌，即係你去台灣小店果隻Feel；二，營業時間好有型：一至五開午市，四至六開埋夜市，星期日唔開，咁，想食，就自己夾岩時間喇！溫提：越遲去，越少選擇！
沒有留言:
發佈留言