2014年7月30日星期三

一嚐愛上的茶木

愛台如我當然對台吃情有獨鍾,而這家茶木,早就想試,但,你知道嗎,每次想試,門口外等位的客人實在多得你要放棄。我對於他們的印象,除了很多知關楚耀是否有股份之外,就是台吃,與及很漂亮的甜品。

終於在過去的星期日,三點到達,等了廿分鐘有位,而這次初體驗,很好很好,很想很想再吃。


我是光顧旺角的店,原來都開了年多。很喜歡這店的裝修,以木色為主,而且有一個大重點:就是每張桌子之間相距不少,店家沒有為了要喪增坐位,而且,他們的設計很好:靠窗的位置當然吸引,其他的也不會覺得很差。
侍應們態度都很不錯,特別是,令你不覺得你身在旺角。你明我講乜架可?

那本猶如雜誌的餐牌實在目不瑕給,樣樣都想食,不過今次只跟一個朋友去,已經盡試了。

首先介紹是這個:松露野菌奶油手作麵:
我係有食左少少既,首先,意大利麵口感非常可人,並非Al Dente,偏淋身但剛剛好;醬汁盡吸,而醬汁水準係出面收緊你過百蚊一碟既西餐廳(有良心)果隻質素,不會膩,香滑,朋友都大讚。
我呢個酥炸豬排肉燥飯,我話你知,超掂!首先,豬排炸得好,脆漿薄而香口,豬排鬆化而Juicy,係令我想起去台灣食好正果隻炸豬排!另外,呢個飯份量不少,內裡仲有醃菜--呢個味道剛剛好,我覺得可以再酸少少,但起碼佢唔係搏命濃味;飯淋上肉燥汁真係不得了,啖啖都咁滋味,肉燥汁台北口味但唔會濃亦唔會好甜,不錯不錯!仲有果半隻蛋,睇樣都知得,啪落口真係不得了,半隻,唔夠喉啊!

既然人人檯面都貼左個層層疊,我地無理由唔食架!
朱古力香草蜜糖磚塊!首先,移開第一層,裡頭每粒沾滿蜜糖再烘既麵包粒,鬆軟不油膩,就咁食都掂喇!朱古力雪糕應該唔係普通貨式,我唔知係咪自己做,但香滑朱古力味濃,不會過甜;再落既Vanilla醬又係一絕,沾麵包粒食,嘩,好好食!我絕對認同朋友講,一個人KO成份都得,但肯定好飽,不過好好食!

嗯,你見我讚成咁,我好肯定會再去架喇!常去既你地,有乜推介我食咁呢?

沒有留言:

發佈留言