2014年5月26日星期一

台北2014:在上引水產壓軸

這次選了九點多的飛機點程,但凡事不能去得太盡嘛!所以,一早決定在上引水產來個痛快的道別,而且還要在晚上六點前到達,因為我知道,很多香港人跟我爭位。

有朋友覺得上引水產走樣了,一年前吃過為之驚艷的我,今次又有什麼要跟你們分享呢?




再一次告訴你們:到某些地方搭公車是好過搭捷運的,行少好多路,請善用你的Google Map。
抵飲架播,抵過香港飲好多先啦總之。我知,唔好再徙時間,入正題丫嘛,好!
此乃是次期間限定灸燒和牛沙拉,無記錯只係NTD220!你睇,和牛夠多而且好食,個醬汁又調得好,最離譜仲有鮑魚仔乙隻,你話想點先!
上次食過既法國蠔今次再安哥!有圖為證,實在又新鮮又肥美,配上青檸汁,無得輸!NTD170一隻!
原隻帆立貝刺身,睇住師傅處理,鮮甜但唔夠大隻,都要成NTD260一隻架!
我又點會單點呢碗超級足料味噲湯丫!


又係呢個聲稱十件一上檯嚇死你既壽司SET!係呀,都係NTD600左右,每次都有驚喜,今次竟然有喜之次,咁海膽呀,Toro呀都有啦,呢個價錢,好開心架喇!

今次既感覺係,人真係多左,而waitress服務都唔能夠好即時,食物質素有些微退步,但此價錢我依然樂於光顧,而我又再一次教一對香港遊客朋友點菜(都係咁諗,費時佢地太迷惘)。遺憾兩次都係自己黎,不能夠殺出去食埋炭烤,下次啦!

咁,期望,十二月可以再去台北啦,係咁!

沒有留言:

發佈留言