Wednesday, April 22, 2015

與金銀泰國美食重逢

曾經介紹過這間原本位於第二街的金銀泰國美食(Thaweesab Thai Food),但今年年初她說裝修然後被取代,我跟弟弟以至幾位好友都非常失落。不過就因為早前寫的另一篇文,無意間發現原來搬了。

由於太掛念,今晚跟朋友跑去再續前緣,更誇張是我還致電應該正在吃飯的弟弟,買他一個至愛的柚子沙律從長沙灣送回家。是的,他們搬了去長沙灣保安道325號保安道街市大廈二樓,容許我寫一次英文,因為我知道他們原先有很多外國客人的:Thaweesab Thai Food, used to locate at Second Street Sai Ying Pun, is now reopened at 2/F, Po On Road Municipal Services Building, Sham Shui Po, Kowloon.
是不是有點亂?我首先想插一插Open Rice:
有冇趣?深水埗可以經香港大學站B1步行五分鐘。有趣既仲有:
附上地圖指你係深水埗站落車,實情長沙灣站最近。係咪無俾錢就亂寫既呢可。

未到餐廳,他們老遠望見我已經微笑揮手,老闆娘還問我怎會找到的!後來才知道,第二街的舖位,原先的業主是位伯伯,後來他的女兒接手,到過他們的店一次,見他們生意旺,就由月租兩萬加到三萬幾!他們最後決定離場,然後在這裡才開了兩星期。他們表示有西營盤的舊客找到他們,告訴他們現時舊舖的新泰菜餐廳走高檔路線,是的,價錢貴很多啊。

言歸正傳,再次光顧,食物一樣出色,還有了大排檔風味,價錢一樣親民:

舊舖的食物照片再次出現,當然其他裝修及宗教裝飾繼續擺放啦。
一樣好飲份量極足夠蝦還有膏的冬蔭功,呢個係小,裝到六碗以上,HK$58。
六十八蚊泰式小食拼盤,樣樣都好食:蝦餅大份彈牙有蝦味,魚餅鬆化,雞翼皮脆肉嫩,鳳爪我一直極愛佢地整既,果個汁酸辣度好Perfect。
馬拉盞通菜,唔油膩新鮮已經夠啦。
泰式香辣炒河,只係略嫌今次份量少左少少。

椒鹽軟殼蟹我真係極推介!首先無喪落味精,香辣又惹味,而且份量多,唔會好似有d舖頭,一隻四件咁大把,好好味啊!

以上咁多加個白飯加個外賣柚子沙律,HK$322,係咪抵食先!記住有機會去幫襯,細佬都表示要搵次過去支持下!

No comments:

Post a Comment