2022年11月26日星期六

他要用作品說話

一直強調無論這裡還是我寫感想的地方,臉書也是。於是,我看過一部電視劇,覺得有人演得不好,寫下來,這是我的感覺。我又不會以專家自居,而且,合不合心意從來都很個人,當然也不是沒想過,會有一班都唔知係真定係膠的粉絲留言。

你問我喜不喜歡這藝人呢?我會這樣答:我知佢好受歡迎,我欣賞佢非常努力,對於音樂與影像佢執著與不妥協不走容易行的路是絕對欣賞,不過,不代表所有成品都會喜歡,而一直從佢對外界發表睇法果種謙卑,肯定是出自真心。於是,我個人相信,佢有不斷檢視自己表現,因為佢一直強調,要以作品說話。

這部電視劇的劇情發展出戲之前,其實作為男主角,除打波劇情絕對投入以外,跟女主角的曖昧已經演得很一般,不過因為有幾場FF攪笑日泰韓文小劇場成功令人記得而覺得好正,而那種偶像劇式的少男少女愛情發展,還可以。

直到寫其母出場的劇情,不合理是大眾認同,而究竟為何我覺得他演得不好?因為他除了無定向式由零推到八十的情緒爆發之外,其餘情緒掌握都一般,傷心不到位,暴怒只有一種而放在所有劇情,所以,當劇情出戲,你演得不好就更不好看(同場演其母的也演得不好)。

「佢做得唔好」這五個字寫出來,有什麼意義?其實有沒有想過,若果一部作品,放在一個沒有人認識演員的國度,任何一個觀眾去看,都會給一個評分,還有第一印像,所以我非常認同「用作品說話」這想法,同時每一件作品,也是讓任何一個人,對每一個藝人,留下不同的印像分。

當然,這次演得不好,不代表他沒有努力,不代表他沒有潛質,不代表他沒有進步空間。所以我相信,他知道有進步空間,他一直有希望自己進步。

只是嘛,若果只是單單一個得果萬多少少Followers既人寫一句「佢演得唔好」而有一大班粉絲空群而出,話我係haters,話我針對,一定演得好過你,「你妒忌佢靚仔」,做乜要踩到佢咁盡,點解你唔話套劇寫得唔好公司唔俾多d時間佢預備之類之類等等, well,我第一個感覺就係:「慈母多敗兒」。

你地幾母性氾濫都好,若果唔係玩野而出自真心地留言,我諗,你真係害死個仔。只係一句「佢演得唔好」就咁反應,的確係會對個藝人扣分。

我是一個nobody我點睇又無乜所謂,不過任何一個觀眾都係一個受眾,佢地對於成品任何感覺,都係值得參考。若果係純粹針對刻意詆毀當然不用理會,但一句「佢演得唔好」係我觀後感,你可以覺得佢無得頂,我唔認同,that's it。

我反而對果d不斷為佢開脫話佢仲後生呀無戀愛經驗呀無時間學戲之類的說法仲接受少少,不過要留意,唔係每個藝人都有咁多機會。佢機會比人多,佢唔係第一次拍劇,佢擔正做男主角戲份多自己目光集中佢身上(所以另一位又有人投訴佢戲份少,有時真係可以戲份少但演得好,亦可能戲份少容易掌握),就算有幾多環境因素影響佢表現,任何人睇到只會係播出成品既質素。

就正如所有歌手,無論你幾努力,你上台演出果幾分鐘,出錯走音的話就係出錯走音,會俾人一直記住。所以,點解無論點都要預備好,係非常重要。

唔係任何藝人都有一次又一次既機會,好似大台以前硬捧新人上場,有好多好嚇人既表現都可以擔正,而其中有人努力改善進步,又仲有機會俾佢演出,佢咪可以突破上位囉。不過我都肯定,呢位藝人仲有好多機會,而我希望佢真係可以繼續進步。

唔知呢篇又有乜精彩留言呢?等住睇。

沒有留言:

發佈留言