請試試韓廚麵

早前跟同事吃午飯，行經此店，決定一試。這店叫韓廚麵，是韓國Chef's Noodle來港開的第一間分店，並跟社企合作，培育年青人及更生人士。

叫你們試試，當然不是因為此店的背境或者因為是韓國來的，是因為我那次吃過，還再去吃另外的東西，實在值得介紹一下。他們主打麵及蓋飯，不如看看我吃過什麼吧。

無論連桌子及餐具都有店名，並非是但。

這是同事點的韓廚麵，同事吃著表示，湯底很讚，料亦多，她很喜歡。

我點的是韓廚牛肉湯飯，白飯這個碗好鬼韓劇，我當然跟韓劇一樣將飯倒入湯撈來吃啦！湯係好唔錯，只不過用肥牛呢下就失分，不過個湯鮮甜帶辣的確好好味。

呢幾件叫鮮蝦韮菜天婦羅，好味，唔油膩！加十二蚊就有喇！

柚子蜜有乜好介紹呢？是咁的，若果你Liked左佢Facebook，每次去食Lunch都送，凍或熱。侍應係唔會提你既，醒目啦！

第二次去，加廿四蚊，有呢兩件，名堂叫火灸牛肉卷。是醃過靚牛肉即場火灸，似日本壽司，牛肉好鮮味，兩件唔夠喉。

點解咁快去第二次？因為第一次目擊隔離檯點左一個冷麵，呢度好有心思，並非湯加冰，而係將湯變成沙冰，於是，麵keep住凍，湯keep住唔會變淡！我點呢個叫韓廚辣醬雞肉伴麵，首先，雞肉鮮味成絲，辣醬有黑白芝麻及芥末籽，另外有蒟蒻條、芽菜、青瓜片及蛋，湯係帶酸極開胃，我真係極推呢個冷麵！

呢個仲未有機會食，果次見隔離食，好吸引播！

另外呢，呢期推緊外賣蓋飯一送一，有兩款，都想試試。

午市免加一，兩次幫襯都聽到講韓文既食客。不過一提就係，侍應反應比較慢，呢樣真係要改善。

我係會再去食既！