Wednesday, December 17, 2014

2014年底台北食左乜(一)

今次雖然去足六日,但由於包括公幹,又用兩天待在華山,剩餘時間用來跟弟弟一家同遊,所以沒有用很多時間去找吃的。所以這次好幾間都是之前吃過的,不過食得好,無理由又唔介紹一下的。

首兩天由於食乜都有得Claim,是的,就算跟朋友吃都吃得好一點,這是常理吧哈哈。


話說第一日飛機遲起飛遲降落,到達酒店基本上無時間食午餐就要趕去開會,完成時六點左右,回酒店放下一切換回便服便到上引水產跟朋友食餐勁:
是日特推的法國生蠔,很Yummy的。
這個烤牛小排,異常肥美,連炸蒜片加上許海鹽,Bravo!
都係呢set,但可能係weekday而且客人不算多,呢set應該係我食咁多次水準至高,你睇果個赤貝已經知道有賺啦!
是咁的:上次食過,餐牌唔見,問一問原來有:和牛沙拉,我的台北朋友第一次食,大讚!
朋友點的,以果個價錢,呢個牛油果卷係非常抵食!
以上連飲品兩個人NT$2,300,唔過份丫!不過我地意猶未盡,因為行經上引的超市,嘩:
一份牛肉鹽麴燒係好多好多,而且幾膩,但好好食播!
呢個先痴線:帆立貝斧飯,由於我同朋友基本上都飽但又為食,於是店員好好,幫我地一份分兩份包起,呢個,超好食!

第二日,早餐當然都係酒店既無敵之選,實在懶得出去食亦唔想浪費;午餐就唔同講法喇!得知N年前介紹過內湖金泰壽司係附近開左分店,對其發神經咁大碗既海鮮蓋飯念念不忘,於是,出發:


呢個NT$460魚生飯繼續痴線:海膽,帆立貝,三文魚籽,三文魚,吞拿魚,兩大隻蝦,油甘魚,蟹籽,章紅魚,點睇先!我知,超級果個仲多一大隻蠔,但尋晚都食左,下晝仲有會開,不能咁過份嘛!果碗味噌湯好好,臨走仲送左杯暖身果醋俾我,實在真係次次黎都要幫襯!

晚上,天氣極寒冷,另一台北朋友帶我食麻辣火鍋,今次是要好而不要任食。於是,首次光顧呢間朋友話都幾出名既落香極品涮涮鍋。


套餐係咁叫既:包一個極豐盛在台種植新鮮蔬菜籃,湯底,一杯飲品(唔知點解有添飲),醬料與及幾粒手打丸,粉麵或飯及甜品,之後就隨你選既肉類而收費喇。
此蔬菜籃真係極度豐富而且新鮮,大家都知我係食肉獸,但我完全食晒!
極品麻辣湯底,乃小弟首次食麻辣湯底會不停飲湯!中藥與牛骨炮製而成,乃順口而辣的湯底!
呢三粒擺明係Teaser,好高水準自家製丸子,旁邊黑色果杯係仙草,食火鍋配佢就fit晒!

極愛呢個特製醬汁,加入新鮮柑汁,果香配上肉類,絕配!
我點雙牛套餐,牛肉水準可以但不驚喜,論好吃,一定是我朋友點那個:
呢個羊超好食,肥瘦適中羊味極濃!
我是選拉麵(因為老闆極推)而朋友選的是粉絲,兩樣我都有試,因為湯底太好,兩款風味不同。

至於甜品,我真的忘記了,但我可以好肯定咁講,呢一餐,比起任食當然更出色,而且真係飽,埋單都係NT$1,100(兩人)。

No comments:

Post a Comment