吃在胡志明：Ma Quan

雖然已經係二月果陣去，但當地同事安排去食呢餐，非常難忘：胡志明的確係美食天堂，更多有特色嘅餐廳，係當地人先識帶你去，因為我當日就算有地址，知道餐廳係二樓，到達該大廈，係完全無Idea應該點上去！結果要問當地人，先知麻煩你行從地下行入去大約五十米，越來越唔對路，然後選擇行左右，經過一條非常古舊樓梯，上到去門口都懷疑自己有無去錯地方，但一入到去，呢間叫Ma Quan嘅餐廳，主打皇室越菜，嘩，好似去左另一角度一樣。 

又有咁岩俾我搵到當地人拍左條片，不如睇睇先：

由於同當地高層食飯，影相質素係不能要求太多，煩請見諒。

 

想打卡影餐飽嘅朋友，絕對可以著靚靚黎食飯，包你影相影得好滿足。不過食物方面，終對絕對絕對，好得！

越式柚子蝦沙律，Presentation好精美，味道亦沒有忽略，各項食物原味與調味好配合，加上盛載薄脆托，好高分！

呢一道叫Assorted Hue Savoy Cake，幾款不同處理手法越式米糕，有蝦米有豬肉，其中用蕉葉包住蒸呢個我好喜歡！

呢個我點嘅，越式酸湯米線，湯就影唔到喇，愛酸嘅我加埋靚牛，非常滿足。

雞湯黎嘅，佢叫做Chicken Soup with Sour-soup Creeper，呢款係越南獨有香料，叫江葉，味道又係有少少酸，非常開胃。

呢個叫Royal Sweet Soup，我淨係記得，其實果陣加上飲左幾杯紅酒，幾飽，但同事話，你一定要試呀，好好食。我每款都試左，清甜，特別係我好愛椰子，好喜歡。

餐廳好似有面書嘅，若果去胡志明市，二人世界定成班朋友，不如訂個位試試，非常推介。

醒多個地方俾你地：呢間叫Neii Specialty Coffee，又係當地同事帶去，唔易搵，又係要經巷仔行到最入。呢個椰子沙冰咖啡，係超級超級好飲！我下次再去都要飲！