最緊要仲識得笑：Di-dar

話劇有趣的地方就是即場與及演員與觀眾情感上的連結，而爆笑的話劇，不是靠核突有味來讓大家引堂大笑，還要有劇情，有文化傳承，更帶著不少「係香港人先會明」的訊息，更加不容易。

風車草劇團最新劇目《Di-Dar》，我是看到演出陣容立即早鳥購票：除了鐵膽三人之外，竟然有阿葛，還有胡麗英岑珈其與Sica。那一晚，不知為何除了大笑笑到收唔到聲之外，還有些傷感。

吃在胡志明：Ma Quan

雖然已經係二月果陣去，但當地同事安排去食呢餐，非常難忘：胡志明的確係美食天堂，更多有特色嘅餐廳，係當地人先識帶你去，因為我當日就算有地址，知道餐廳係二樓，到達該大廈，係完全無Idea應該點上去！結果要問當地人，先知麻煩你行從地下行入去大約五十米，越來越唔對路，然後選擇行左右，經過一條非常古舊樓梯，上到去門口都懷疑自己有無去錯地方，但一入到去，呢間叫Ma Quan嘅餐廳，主打皇室越菜，嘩，好似去左另一角度一樣。 

新手貓爸爸

有睇開我面書朋友都應該知我當了貓爸爸，終於，終於都當了！其實一直都想養貓，我很愛貓的姪女姪子們一直都問：「伯伯你幾時養？」「伯伯你究竟係咪養？」。然後故事要說到去年十一月，我住附近的朋友要去十天旅行，他們有三隻貓，竟然問我：「你可唔可以幫手黎十日，夜晚鏟貓砂盤同埋開罐佢地食？」 我只係佢地出發前上過去一次，知道程序，就答應了。

其實他們的家在唐樓六樓，每次上去要行百二有多樓梯，若果當晚練完腳就更甘。但呢十日，我完全被他家三隻貓收復：東方短毛的Cleo是最親人的，第一次見我已經好似識好耐；黃貓Charlie過兩日開始任摸仲自動跳上黎求抱；黑白貓Bosley比較宅，直至有日日間無上去，佢餓先俾我摸佢。呢十日，我亦經歷要清理痾到周圍係嘅場面，無事，好開心，有時仲會留低成粒鐘，無所事事，淨係睇佢地玩。

各人的領悟：《公開試當真》

考試制度從來不完美，而我們一生人都不知經歷過幾多大大小小的考試，家陣一把年紀，當然明白不會因為一個考試定生死，但年輕的我們，在朋輩家人學校的壓力或影響之下，人生第一個公開試，我們又如何面對呢？

今日終於進戲院看了《公開試當真》，這是一部非常屬於香港的紀錄片，同時也應該讓其他地方的莘莘學子或家長有所感受的電影。至於我，想起很多很多年前，會考放榜是什麼一回事，但我最最最快想到的，是那時沒有太盡力，會考與高考也是打天才波。以前也會想，若果當初專心少少努力少少，我現時的人生又會否很不一樣呢？